ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
For Quick Alerts
ALLOW NOTIFICATIONS  
For Daily Alerts
 

ಶಾಹಿನ್ ಅಫ್ರಿದಿ ಕಂಬ್ಯಾಕ್ ಮಾಡಲು ಶಾಹಿದ್ ಅಫ್ರಿದಿ ಟಿಪ್ಸ್‌ ಹೇಗೆ ನೆರವಾಯ್ತು?

Shaheen afridi

ಐಸಿಸಿ ಟಿ20 ವಿಶ್ವಕಪ್‌ನಲ್ಲಿ ಪಾಕಿಸ್ತಾನ ತಂಡವು ಬಹುತೇಕ ಸೆಮಿಫೈನಲ್ ಆಸೆ ಕೈ ಬಿಟ್ಟಿದ್ದಾಗಿದೆ. ಪಾಕಿಸ್ತಾನದ ಪ್ರದರ್ಶನ ನಿರೀಕ್ಷೆಗೆ ತಕ್ಕಂತೆ ಇಲ್ಲ. ಪಾಕಿಸ್ತಾನದ ಮೂವರು ಸೂಪರ್‌ಸ್ಟಾರ್‌ಗಳ ನೀರಸ ಪ್ರದರ್ಶನವು ತಂಡದ ಸೋಲಿಗೆ ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ.

ನಾಯಕ ಬಾಬರ್ ಅಜಮ್, ಮೊಹಮ್ಮದ್ ರಿಜ್ವಾನ್ ಮತ್ತು ಶಾಹೀನ್ ಶಾ ಆಫ್ರಿದಿ ಮಿಂಚಲು ಸಾಧ್ಯವಾಗಲಿಲ್ಲ. ಭಾರತ ಮತ್ತು ಜಿಂಬಾಬ್ವೆ ವಿರುದ್ಧ ಸೋತ ನಂತರ ಪಾಕಿಸ್ತಾನವು ನೆದರ್ಲ್ಯಾಂಡ್ಸ್ ಮತ್ತು ದಕ್ಷಿಣ ಆಫ್ರಿಕಾವನ್ನು ಸೋಲಿಸುವ ಮೂಲಕ ಪುಟಿದೇಳಿತು. ಆದ್ರೆ ಅದಾಗಲೇ ತಡವಾದ್ದ ಪರಿಣಾಮ ಪಾಕಿಸ್ತಾನ ಮುಂದಿನ ಪಂದ್ಯ ಗೆಲ್ಲುವುದರ ಜೊತೆಗೆ ಅದೃಷ್ಟ ಪರೀಕ್ಷೆಗೆ ಇಳಿಯಬೇಕಿದೆ.

ದ.ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಕಂಬ್ಯಾಕ್ ಮಾಡಿದ ಶಾಹೀನ್ ಅಫ್ರಿದಿ

ದ.ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಕಂಬ್ಯಾಕ್ ಮಾಡಿದ ಶಾಹೀನ್ ಅಫ್ರಿದಿ

ದಕ್ಷಿಣ ಆಫ್ರಿಕಾ ವಿರುದ್ಧದ ಮಹತ್ವದ ಪಂದ್ಯದಲ್ಲಿ ಶಾಹೀನ್ ಮೂರು ವಿಕೆಟ್ ಪಡೆದರು. ಶಾಹೀನ್ ಮೊದಲ ಓವರ್ ನಲ್ಲೇ ಎರಡು ವಿಕೆಟ್ ಪಡೆದು ಆಘಾತ ನೀಡಿದರು. ಪಾಕಿಸ್ತಾನದ ಗೆಲುವಿನಲ್ಲಿ ಶಾಹೀನ್ ನಿರ್ಣಾಯಕ ಪಾತ್ರ ವಹಿಸಿದ್ದರು. ಪಾಕಿಸ್ತಾನದ ಮಾಜಿ ನಾಯಕ ಮತ್ತು ಶಾಹಿದ್ ಅವರ ಭಾವೀ ಪತ್ನಿಯ ತಂದೆ ಶಾಹಿದ್ ಅಫ್ರಿದಿ ಅವರ ಸಲಹೆಯು ಇದೀಗ ಭವ್ಯವಾದ ಕಂಬ್ಯಾಕ್‌ ಮಾಡಲು ಶಾಹೀನ್ ಅವರಿಗೆ ನೆರವಾಗಿದೆ. ಹಾಗಿದ್ರೆ ಶಾಹಿದ್ ಅಫ್ರಿದಿ ಏನು ಸಲಹೆ ನೀಡಿರಬಹುದು ಎಂಬ ವಿಚಾರ ಈಗ ಬಹಿರಂಗವಾಗಿದೆ.

ಲೆಂಥ್ ಬದಲಾಯಿಸುವಂತೆ ಶಾಹಿನ್‌ಗೆ ಸಲಹೆ ನೀಡಿದ್ದ ಶಾಹಿದ್ ಅಫ್ರಿದಿ

ಲೆಂಥ್ ಬದಲಾಯಿಸುವಂತೆ ಶಾಹಿನ್‌ಗೆ ಸಲಹೆ ನೀಡಿದ್ದ ಶಾಹಿದ್ ಅಫ್ರಿದಿ

ಸಾಮಾನ್ಯವಾಗಿ ಮೊದಲ ಎರಡು ಓವರ್‌ಗಳಲ್ಲಿ ಸ್ಟಂಪ್ ಮೇಲೆ ದಾಳಿ ಮಾಡುವುದು ಶಾಹೀನ್ ಶೈಲಿ. ಶಾಹೀನ್ ಉತ್ತಮ ಸ್ವಿಂಗ್ ಕಂಡು ಬ್ಯಾಟ್ಸ್‌ಮನ್‌ನನ್ನು ಎಲ್‌ಬಿಡಬ್ಲ್ಯೂ ಬಲೆಗೆ ಬೀಳಿಸುತ್ತಾನೆ. ಮುಖ್ಯವಾಗಿ ಹೊಸ ಚೆಂಡಿನೊಂದಿಗೆ ಬ್ಯಾಟ್ಸ್‌ಮನ್ ಸೆಟ್‌ ಆಗುವ ಮೊದಲು ಶಾಹೀನ್ ವಿಕೆಟ್ ಕಬಳಿಸುವಲ್ಲಿ ನಿಷ್ಣಾತರಾಗಿದ್ದಾರೆ. ಆದರೆ ಶಾಹೀನ್ ತಂತ್ರ ಮೊದಲಿನಂತೆ ಕ್ಲಿಕ್ ಆಗುತ್ತಿಲ್ಲ. ಹಾಗಾಗಿ ಲೆಂಥ್‌ ಬದಲಾಯಿಸುವಂತೆ ಆಫ್ರಿದಿ ಸಲಹೆ ನೀಡಿದ್ದಾರೆ.

ಈಗ ಎಲ್ಲರೂ ಶಾಹೀನ್ ಅವರ ಫುಲ್ ಲೆಂಥ್‌ ಎಸೆತಗಳ ಬಗ್ಗೆ ಯೋಚಿಸಬಹುದು. ಈ ಲೆಂಥ್‌ ಸ್ವಿಂಗ್ ಕಂಡುಬರದಿದ್ದರೆ, ಲೆಂಥ್ ಬದಲಾಯಿಸಿ ಎಂದು ಸಲಹೆ ನೀಡಿದ್ದಾರೆ. ಈ ಕುರಿತು ಮಾತನಾಡಿರುವ ಶಾಹಿದ್ ಅಫ್ರಿದಿ ''ಇದು ಬ್ಯಾಟ್ಸ್‌ಮನ್‌ಗೆ ನಿರಾಸೆ ತಂದಿದೆ. ಶಾಹೀನ್ ನನ್ನ ಸಲಹೆಯನ್ನು ಆಲಿಸಿದ್ದಾನೆ. ಆದ್ರೆ ನಾನು ಚಿಕ್ಕಂದಿನಿಂದಲೂ ಸಲಹೆ ಕೇಳದ ವ್ಯಕ್ತಿ'' ಎಂದು ಶಾಹಿದ್ ಅಫ್ರಿದಿ ನಗುತ್ತಾ ಹೇಳಿದ್ದಾರೆ.

ಶಾಹಿನ್ ಬೌಲಿಂಗ್ ನೋಡಿ ಖುಷಿಗೊಂಡ ಶಾಹಿದ್ ಅಫ್ರಿದಿ

ಶಾಹಿನ್ ಬೌಲಿಂಗ್ ನೋಡಿ ಖುಷಿಗೊಂಡ ಶಾಹಿದ್ ಅಫ್ರಿದಿ

''ಪಾಕಿಸ್ತಾನ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಪಂದ್ಯ ನಡೆಯುತ್ತಿರುವಾಗ ನಾನು ಪ್ರಯಾಣಿಸುತ್ತಿದ್ದೆ. ಲೈವ್ ವೀಕ್ಷಿಸಲು ಇಂಟರ್ನೆಟ್ ಲಭ್ಯವಿರಲಿಲ್ಲ. ಹಾಗಾಗಿ ಮನೆಗೆ ಕರೆ ಮಾಡಿ ಶಾಹೀನ್ ಓವರ್ ನ ವಿಡಿಯೋ ಕಳುಹಿಸುವಂತೆ ಕೇಳಿದ್ದೆ. ಅವರು ಪೂರ್ಣ-ಲೆಂಥ್‌ ಚೆಂಡುಗಳ ಬದಲಿಗೆ ವಿಕೆಟ್‌ಗಳನ್ನು ತೆಗೆದುಕೊಂಡಾಗ ನನಗೆ ಸಂತೋಷವಾಯಿತು, ಉತ್ತಮ-ಲೆಂಥ್‌ ಎಸೆತಗಳನ್ನು ಅವರು ಬೌಲ್ ಮಾಡಿದರು" ಎಂದು ಶಾಹಿದ್‌ ಅಫ್ರಿದಿ ಹೇಳಿದ್ದಾರೆ.

ಶಾಹಿನ್ ಕಂಬ್ಯಾಕ್ ಕುರಿತು ವಕಾರ್ ಯೂನಿಸ್ ಮಾತು

ಶಾಹಿನ್ ಕಂಬ್ಯಾಕ್ ಕುರಿತು ವಕಾರ್ ಯೂನಿಸ್ ಮಾತು

ಶಾಹೀನ್‌ನ ಅತ್ಯುತ್ತಮ ಕಂಬ್ಯಾಕ್‌ಗೆ ಲೆಂಥ್ ಬದಲಾವಣೆಯೇ ಕಾರಣ ಎಂದು ಪಾಕ್‌ನ ಲೆಜೆಂಡರಿ ಬೌಲರ್ ವಕಾರ್ ಯೂನಿಸ್ ಹೇಳಿದ್ದಾರೆ. ''ಆತ ಸರಿಯಾದ ಲೆಂಥ್‌ ಬೌಲ್ ಮಾಡಿದ್ದಾನೆ. ಫುಲ್ ಲೆಂಥ್‌ ಬೌಲಿಂಗ್ ಮಾಡಿ ಎಲ್ ಬಿ ಬಲೆಗೆ ಬೀಳಿಸುವಷ್ಟು ವೇಗ ತನಗಿಲ್ಲ ಎಂದು ಶಾಹೀನ್ ಅರಿತುಕೊಂಡಿದ್ದಾನೆ. ಅವರೊಬ್ಬ ಬುದ್ಧಿವಂತ ಬೌಲರ್'' ಎಂದು ವಕಾರ್ ಹೇಳಿದ್ದಾರೆ.

ಟಿ20 ವಿಶ್ವಕಪ್‌ಗೂ ಮುನ್ನ ಗಾಯಗೊಂಡಿದ್ದ ಶಾಹೀನ್ ಶಸ್ತ್ರಚಿಕಿತ್ಸೆಗೆ ಒಳಗಾಗಿ ಟಿ20 ವಿಶ್ವಕಪ್‌ಗೆ ಬಂದಿದ್ದರು. ಬಿಡುವು ತೆಗೆದುಕೊಳ್ಳುವುದು ಆಟಗಾರರ ಪ್ರದರ್ಶನದ ಮೇಲೆ ಪರಿಣಾಮ ಬೀರಿತು. ಆದರೆ ಈಗ ಶಾಹೀನ್ ಫಾರ್ಮ್‌ಗೆ ಮರಳಿರುವುದು ಪಾಕಿಸ್ತಾನಕ್ಕೆ ಬಲ ತುಂಬಿದೆ.

Story first published: Friday, November 4, 2022, 23:04 [IST]
Other articles published on Nov 4, 2022
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X