ಗೋಲ್ ಗೆ ಅವಕಾಶವಿತ್ತು
33ನೇ ನಿಮಿಷದಲ್ಲಿ ಮುಂಬೈಗೆ ಎರಡನೇ ಗೋಲು ಗಳಿಸುವ ಅವಕಾಶವಿದ್ದಿತ್ತು. ಆದರೆ ಡೊರಾನ್ಸೊರೊ ಅವರ ಮಿಂಚಿನ ಕೀಪಿಂಗ್ನಿಂದಾಗಿ ಅದು ಸಾಧ್ಯವಾಗಲಿಲ್ಲ. ಡೆಲ್ಲಿ ಸಿಕ್ಕ ಅವಕಾಶಕ್ಕೆ ಗೋಲಿನ ರೂಪು ನೀಡುವಲ್ಲಿ ವಿಫಲವಾಯಿತು. ಅರ್ನಾಲ್ಡೋ ಇಸಾಕೊ ಹಾಗೂ ಮೊಡೌ ಸೌಗೌ ಅವರ ಹೊಂದಾಣಿಕೆಯ ಆಟದಿಂದಾಗಿ ಮುಂಬೈ ಮೊದಲ ಗೋಲು ಗಳಿಸುವಲ್ಲಿ ಯಶಸ್ವಿಯಾಯಿತು. ಮುಂಬೈಯ ಪ್ರತಿಯೊಂದು ಪಂದ್ಯದಲ್ಲೂ ಮಿಂಚಿರುವುದು ವಿಶೇಷ. ಸೆನೆಗಲ್ನ ಆಟಗಾರ ಇಂಡಿಯನ್ ಸೂಪರ್ ಲೀಗ್ನಲ್ಲಿ ಉತ್ತಮ ಆಯ್ಕೆ.
ಜಯದ ಹಂಬಲ
ಇಂಡಿಯನ್ ಸೂಪರ್ ಲೀಗ್ನ 20ನೇ ಪಂದ್ಯಕ್ಕೆ ಮುಂಬೈ ಸಿಟಿ ಎಫ್ ಸಿ ಹಾಗೂ ಡೆಲ್ಲಿ ಡೈನಮೋಸ್ ತಂಡಗಳು ಮುಖಾಮುಖಿಯಾದವು. ಮನೆಯಂಗಣದಲ್ಲಿ ಪುಣೆ ವಿರುದ್ಧ ನಡೆದ ಪಂದ್ಯದಲ್ಲಿ ಮುಂಬೈ ತಂಡ 2-0 ಗೋಲುಗಳ ಅಂತರದಲ್ಲಿ ಗೆದ್ದು ಪ್ರೇಕ್ಷಕರಿಗೆ ಸಂಭ್ರಮದ ಸವಿ ನೀಡಿತ್ತು. ಈ ವರ್ಷ ಇದುವರೆಗೂ ಜಯ ಕಾಣದ ತಂಡ ಡೆಲ್ಲಿಯ ವಿರುದ್ಧ ಮುಂಬೈ ಮತ್ತೊಂದು ಜಯದ ಹಂಬಲದೊಂದಿಗೆ ಮುಂಬೈ ಫುಟ್ಬಾಲ್ ಅರೆನಾಕ್ಕೆ ಇಳಿಯಿತು.
ಸೋತು ಕಂಗಾಲಾಗಿದ್ದ ಮುಂಬೈ
ಗೋವಾ ವಿರುದ್ಧ ಸೋತು ಕಂಗಾಲಾಗಿರುವ ಮುಂಬೈಗೆ ಆ ಹೀನಾಯ ಸೋಲಿನ ಕಹಿಯನ್ನು ಮರೆಯಲು ಇಲ್ಲೊಂದು ಜಯ ಅಗತ್ಯವಾಗಿ ಬೇಕಾಗಿದೆ. 5 ಗೋಲುಗಳನ್ನು ನೀಡಿರುವುದನ್ನು ಗಮನಿಸಿದಾಗ ಮುಂಬೈಯ ಡಿಫೆನ್ಸ್ ವಿಭಾಗ ಎಷ್ಟು ಬಲಿಷ್ಠವಾಗಿದೆ ಎಂಬುದು ಸ್ಪಷ್ಟವಾಗುತ್ತದೆ. ಫಾರ್ವರ್ಡ್ ವಿಭಾಗದಲ್ಲೂ ಮುಂಬೈಯ ಶಕ್ತಿ ಉತ್ತಮವಾಗಿಲ್ಲ. ಇದುವರೆಗೂ ತಂಡ ಗಳಿಸಿದ್ದು ಕೇವಲ ಮೂರು ಗೋಲು. ಈ ಕಾರಣಕ್ಕಾಗಿ ತಂಡದ ಮನೋಬಲ ಹೆಚ್ಚಬೇಕಾದರೆ ಡೆಲ್ಲಿ ವಿರುದ್ಧ ಜಯ ಗಳಿಸಬೇಕಿತ್ತು.
ಅಟ್ಯಾಕ್ ನಲ್ಲಿ ಡೆಲ್ಲಿ ಡಲ್ಲು
ಡೆಲ್ಲಿ ಕೂಡ ಅಟ್ಯಾಕ್ ವಿಭಾಗದಲ್ಲಿ ಹಿಂದೆ ಬಿದ್ದಿದೆ. ಗಳಿಸಿದ್ದು ಕೇವಲ ಮೂರು ಗೋಲು. ಆದರೆ ಡಿಫೆನ್ಸ್ ವಿಭಾಗ ಉತ್ತಮವಾಗಿದೆ. ಫ್ರಾನ್ಸಿಸ್ಕೋ ಡೊರಾನ್ಸೊರೊ ಗೋಲ್ಕೀಪಿಂಗ್ನಲ್ಲಿ ಉತ್ತಮ ಸಾಧನೆ ಮಾಡಿರುವುದು ತಂಡವನ್ನು ಇದುವರೆಗೂ ರಕ್ಷಣೆ ಮಾಡಿದೆ. ಚೆನ್ನೈಯಿನ್ ವಿರುದ್ಧದ ಪಂದ್ಯದಲ್ಲಿ ಹದಿನಾಲ್ಕು ಬಾರಿ ಗೋಲ್ಬಾಕ್ಸ್ಗೆ ಗುರಿ ಬಂದಿತ್ತು. ಅವೆಲ್ಲವನ್ನೂ ಡೊರಾನ್ಸೊರರೊ ತಡೆಯುವಲ್ಲಿ ಸಲರಾಗಿದ್ದರು. ಡೆಲ್ಲಿಗೆ ಇಲ್ಲಿ ಮೊದಲ ಜಯದ ಗುರಿ ಇದೆ.