ಚಂಡೀಗಢ, ಆಗಸ್ಟ್ 14: ಏಷನ್ ಗೇಮ್ಸ್ ನಲ್ಲಿ ಚಿನ್ನದ ಪದಕ ಗೆದ್ದಿದ್ದ ಹಿರಿಯ ಅಥ್ಲೀಟ್ ಹಕಮ್ ಸಿಂಗ್ ಅವರು ಅನಾರೋಗ್ಯದ ಕಾರಣ ಇಂದು (ಆ.14) ಪಂಜಾಬ್ ನ ಸಾಂಗ್ರೂರ್ ನಲ್ಲಿನ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ. ಅವರಿಗೆ 64 ವರ್ಷ ವಯಸ್ಸಾಗಿತ್ತು.
ಇಂಚಿಯಾನ್ ಗೇಮ್ಸ್ ಬೆಳ್ಳಿ ವಿಜೇತೆ ಟಿಂಟು ಏಷ್ಯನ್ ಗೇಮ್ಸ್ ನಿಂದ ಔಟ್!
ಹಕಮ್ ಅವರು 1978ರಲ್ಲಿ ಬ್ಯಾಂಕಾಕ್ ನಲ್ಲಿ ನಡೆದಿದ್ದ ಏಷ್ಯನ್ ಗೇಮ್ಸ್ ನ 20 ಕಿ.ಮೀ. ಪುರುಷರ ವಾಕ್ ರೇಸ್ ನಲ್ಲಿ ಭಾರತ ಪರ ಚಿನ್ನದ ಪದಕ ಜಯಿಸಿದ್ದರು. ಇತ್ತೀಚೆಗೆ ಅವರು ಅನಾರೋಗ್ಯದ ಸಮಸ್ಯೆಯಿಂದ ಬಳಲುತ್ತಿದ್ದರು. ಅವರಿಗೆ ಲಿವರ್ ಮತ್ತು ಕಿಡ್ನಿಗೆ ಸಂಬಂಧಿಸಿದ ಖಾಯಿಲೆಯಿತ್ತು.
Aggrieved to hear of the passing away of Asian Games gold medallist athlete & Dhyan Chand award winner Hakam Singh Bhattal. Punjab will always remember his contribution and the pride his achievements gave us. My heartfelt sympathies for his family.
— Capt.Amarinder Singh (@capt_amarinder) August 14, 2018
ಹಕಮ್ ಸಿಂಗ್ ಗೆ ದೇಶದ ಅತ್ಯುನ್ನತ ಕ್ರೀಡಾಗೌರವಗಳಲ್ಲಿ ಒಂದಾದ ಧ್ಯಾನ್ ಚಂದ್ ಪ್ರಶಸ್ತಿ ಲಭಿಸಿತ್ತು. ಜೊತೆಗೆ ಇವರು 6 ಸಿಕ್ಖ್ ರಜಿಮೆಂಟ್ ನಲ್ಲಿ ಹವಾಲ್ದಾರ ಜವಾಬ್ದಾರಿಯನ್ನೂ ನಿರ್ವಹಿಸಿದ್ದರು. ಏಷ್ಯನ್ ಕ್ರೀಡಾಕೂಟ ಆರಂಭಗೊಳ್ಳಲು ಇನ್ನು ನಾಲ್ಕು ದಿನಗಳಿರುವಾಗಲೇ ದೇಸಿ ಕ್ರೀಡಾಳುಗಳಿಗೆ ಸ್ಫೂರ್ತಿಯಾಗಬೇಕಿದ್ದ ಹಿರಿಜೀವ ಕಣ್ಮುಚ್ಚಿದ್ದಕ್ಕೆ ಕ್ರೀಡಾಲೋಕ ಕಂಬನಿ ಮಿಡಿದಿದೆ.
Athlete Hakam Singh, 64, passed away. The Asian gold medalist was suffering from liver and kidney diseases. He will be cremated at his native village Bhattal of Barnala at 3 pm @HTPunjab pic.twitter.com/bKYYlG9RUC
— Avtar Singh (@avtardhanaula) August 14, 2018
ಅನಾರೋಗ್ಯಕ್ಕೆ ತುತ್ತಾಗಿ ಆಸ್ಪತ್ರೆ ಸೇರಿದ್ದ ಹಕಮ್ ಅವರಿಗೆ ಕ್ರೀಡಾ ಸಚಿವ ರಾಜ್ಯವರ್ಧನ್ ಸಿಂಗ್ ರಾಥೋಡ್ 10 ಲಕ್ಷ ರೂ., ಪಂಜಾಬ್ ಮುಖ್ಯಮಂತ್ರಿ ಕ್ಯಾಪ್ಟನ್ ಮಾರೀಂದರ್ ಸಿಂಗ್ ಅವರು 5 ಲಕ್ಷ ರೂ. ಆರ್ಥಿಕ ನೆರವು ನೀಡಿದ್ದರು. ಆದರೆ ವೈದ್ಯಕೀಯ ಲೋಕಕ್ಕೆ ಸಿಂಗ್ ಅವರನ್ನು ಉಳಿಸಿಕೊಳ್ಳಲಾಗಲಿಲ್ಲ.