34 ವರ್ಷಗಳ ಹಿಂದೆ ಮೆಕೆನ್ರೋ ನಿರ್ಮಿಸಿದ್ದ ದಾಖಲೆ ಮುರಿದ ನಡಾಲ್

ಮ್ಯಾಡ್ರಿಡ್, ಮೇ 11: ಆವೆ ಮಣ್ಣಿನ ಅಂಕಣದಲ್ಲಿ ಜಾನ್ ಮೆಕೆನ್ರೋ ಅವರು 34 ವರ್ಷಗಳ ಹಿಂದೆ ನಿರ್ಮಿಸಿದ್ದ ದಾಖಲೆಯನ್ನು ವಿಶ್ವ ನಂ. 1 ಆಟಗಾರ ರಾಫೆಲ್ ನಡಾಲ್ ಮುರಿದಿದ್ದಾರೆ. ಈ ಸಾಧನೆಯೊಂದಿಗೆ ಅವರು ಗುರುವಾರ ನಡೆದ ಮ್ಯಾಡ್ರಿಡ್ ಓಪನ್ ಸ್ಪರ್ಧೆಯಲ್ಲಿ ಕ್ವಾರ್ಟರ್ ಫೈನಲ್ ಗೆ ಪ್ರವೇಶಿದ್ದಾರೆ.

31ರ ಹರೆಯದ ನಡಾಲ್ ಪ್ರಿ-ಕ್ವಾರ್ಟರ್ ಫೈನಲ್ ನಲ್ಲಿ ಅರ್ಜೆಂಟೀನಾ ಆಟಗಾರ ಡಿಯಾಗೋ ಶ್ವಾರ್ಟ್ಜ್ಮನ್ ಅವರನ್ನು 6-3, 6-4ರ ನೇರ ಸೆಟ್ ನಿಂದ ಮಣಿಸಿ ಮುನ್ನಡೆ ಸಾಧಿಸಿದರು. ಇದು ನಡಾಲ್ ಗೆ ಲಭಿಸಿದ 50ನೇ ನೇರ ಸೆಟ್ ಜಯವಾಗಿದೆ.

What a guy! 🙌

Rafa Nadal has broken a 34-year-old record held by John McEnroe with a win at the Madrid Open.

🎾 https://t.co/ntSTFYi3xO pic.twitter.com/f0F66CJ2G2

— BBC Sport (@BBCSport) May 10, 2018

ಅಮೆರಿಕಾದ ಜಾನ್ ಮೆಕೆನ್ರೋ ಅವರು 1984ರಲ್ಲಿ 49ನೇ ನೇರ ಸೆಟ್ ಜಯದೊಂದಿಗೆ ದಾಖಲೆ ಸೃಷ್ಠಿಸಿದ್ದರು. ಆ ಸಂದರ್ಭ ಅವರು ಮ್ಯಾಡ್ರಿಡ್ ಇಂಡೋರ್ ಓಪನ್ ಪ್ರಶಸ್ತಿಯನ್ನೂ ಜಯಿಸಿದ್ದರು.

'ಇಟಲಿ ಓಪನ್'ನಿಂದ ಸರಿದ ಸೆರೆನಾ; 'ಫ್ರೆಂಚ್ ಓಪನ್'ಗೂ ಅನುಮಾನ

ನಡಾಲ್ ಜಯಿಸಿರುವ ಈ 50 ಸೆಟ್ ದಾಖಲೆಗಳಲ್ಲಿ ಬಾರ್ಸಿಲೋನಾ ಸ್ಪರ್ಧೆಯ ಜಯ, ಮೊಂಟೆಕಾರ್ಲೋ ಮತ್ತು ಕಳೆದ ವರ್ಷದ ಫ್ರೆಂಚ್ ಓಪನ್ ಗೆಲುವುಗಳು ಸೇರಿವೆ.
ಸ್ಪೇನ್ ಬಲಾಡ್ಯ ನಡಾಲ್ ಈ ಬಾರಿ ಪ್ರಶಸ್ತಿ ಗೆದ್ದರೆ ಇದು 6ನೇ ಮ್ಯಾಡ್ರಿಡ್ ಪ್ರಶಸ್ತಿ ಗೆದ್ದಂತಾಗುತ್ತದೆ.

World No. 1 @RafaelNadal beats Diego Schwartzman and has won 50 straight sets on clay, breaking John McEnroe's single-surface record of 49 straight sets on carpet. Nadal owns records for longest set & match streaks on any surface, winning 81 straight matches on clay from 2005-07.

— ATP Media Info (@ATPMediaInfo) May 10, 2018

ಪ್ರಿ-ಕ್ವಾರ್ಟರ್ ಸ್ಪರ್ಧೆಯ ಎರಡನೇ ಗೇಮ್ ನಲ್ಲಿ ಶ್ವಾರ್ಟ್ಜ್ಮನ್ 4-4 ಅಂತರದಿಂದ ಸಮಬಲ ಸಾಧಿಸಿದಾಗ ನಡಾಲ್ ಕೊಂಚ ಭೀತಿಗೊಳಗಾದರು. ಆದರೆ ಮರುಕ್ಷಣವೇ ಎದುರಾಳಿಯ ವಿರುದ್ಧ ತಿರುಗಿ ಬಿದ್ದ ನಡಾಲ್ ಪಂದ್ಯವನ್ನು ತನ್ನದಾಗಿಸಿಕೊಂಡರು.