Click it and Unblock the Notifications
ಚೆನ್ನೈ ತಂಡ ಫೇವರೇಟ್
ಚೆನ್ನೈ ತಂಡವು ತವರಿನಲ್ಲಿ ಆಡಿರುವ ಶೇ.75 ಪಂದ್ಯಗಳನ್ನು ಗೆದ್ದಿದ್ದು, ಇಂದೂ ಸಹ ಗೆಲ್ಲುವ ಫೇವರೇಟ್ ತಂಡ ಅದೇ ಆಗಿದೆ. ಇನ್ನೊಂದು ಕಡೆ ತಮಿಳುನಾಡಿನ ಆಟಗಾರರೇ ಆಗಿರುವ ದಿನೇಶ್ ಕಾರ್ತಿಕ್ ಕೆಕೆಆರ್ ತಂಡವನ್ನು ಮುನ್ನಡೆಸಲಿದ್ದು, ಚೆನ್ನೈ ಪಿಚ್ನ ಮರ್ಮ ಚೆನ್ನಾಗಿಯೇ ಅರಿತಿದ್ದಾರೆ, ಹಾಗಾಗಿ ಉತ್ತಮ ಹಣಾಹಣಿಯ ಪಂದ್ಯವನ್ನೇ ನಿರೀಕ್ಷಿಸಬಹುದಾಗಿದೆ.
ಚೆನ್ನೈಗೆ ನರೇನ್ ಚಿಂತೆ
ಚೆನ್ನೈ ತಂಡದ ಬ್ಯಾಟಿಂಗ್ ಬಲ ಉತ್ತಮವಾಗಿದೆಯಾದರೂ ಕೆಕೆಆರ್ನ 'ಮಿಸ್ಟರಿ ಬೌಲರ್' ಸುನಿಲ್ ನರೇನ್ ಅವರ ಭಯ ಅವರನ್ನು ಕಾಡುತ್ತಿದೆ. ಕಳೆದ ಆರ್ಸಿಬಿ ಪಂದ್ಯದಲ್ಲಿ ಸುನಿಲ್ ಅವರು ಬಾಲ್ನಿಂದ ಮಾತ್ರವಲ್ಲದೆ ಬ್ಯಾಟಿಂಗ್ನಲ್ಲಿಯೂ ಅತ್ಯುತ್ತಮ ಪ್ರದರ್ಶನ ತೋರಿ ಪಂದ್ಯ ಗೆಲ್ಲಿಸಿಕೊಟ್ಟಿದ್ದರು. ಧೋನಿ ಅಂತೂ ನರೇನ್ ಅವರ ಬೌಲಿಂಗ್ನಲ್ಲಿ 5 ವರ್ಷದಲ್ಲಿ ಗಳಿಸಿರುವುದು ಕೇವಲ 12ರನ್ ಅಷ್ಟೆ.
ಕೆಕೆಆರ್ ವಿರುದ್ಧ ರೈನಾ ಸರಾಸರಿ
ಕೆಕೆಆರ್ ತಂಡದ ವಿರುದ್ಧ ಚೆನ್ನೈ ಸುರೇಶ್ ರೈನಾ ಅವರು ಅತ್ಯುತ್ತಮ ಆಟ ಆಡಿದ್ದು, ಅದೊಂದೆ ತಂಡದ ವಿರುದ್ಧ ಅವರು 8 ಅರ್ಧಶತಕ ಮತ್ತು ಒಂದು ಶತಕ ಗಳಿಸಿದ್ದಾರೆ ಅದೂ ಕೇವಲ 20 ಪಂದ್ಯಗಳಲ್ಲಿ, ಇಂದು ಅವರು ಸಿಡಿದು ನಿಂತರೆ ಪಂದ್ಯ ಚೆನ್ನೈ ಪಾಲಾಗುತ್ತದೆ.
ಈ ಹಿಂದೆ ಏನಾಗಿತ್ತು
ಕೆಕೆಆರ್ ತಂಡದ ವಿರುದ್ಧ ಚೆನ್ನೈ ಹೆಚ್ಚು ಬಾರಿ ಗೆದ್ದಿದೆ. ಚಿದಂಬರಂ ಅಂಗಳದಲ್ಲಿ ಇವೆರಡು ತಂಡಗಳು ಆಡಿರುವ 7 ಪಂದ್ಯಗಳಲ್ಲಿ 5 ರಲ್ಲಿ ಚೆನ್ನೈ ಗೆದ್ದಿದ್ದರೆ 2 ಬಾರಿ ಕೊಲ್ಕತ್ತ ಗೆದ್ದಿದೆ.
Continue with Google