ಐಪಿಎಲ್ : ಜಿಯೋ ಟಿವಿಯಲ್ಲಿ ಆಟವಾಡಿ, ಬಹುಮಾನ ಗೆಲ್ಲಿ

ಸುನೀಲ್‍ ಗ್ರೋವರ್ ಹಾಸ್ಯ

ಭಾರತದ ಅತ್ಯಂತ ಪ್ರೀತಿಪಾತ್ರ ಹಾಸ್ಯ ನಟ ಸುನೀಲ್‍ ಗ್ರೋವರ್ ಮತ್ತು ಜನಪ್ರಿಯ ಕ್ರೀಡಾ ಕಾರ್ಯಕ್ರಮ ನಿರೂಪಕ ಸಮೀರ್ ಕೊಚ್ಚಾರ್ ನಡೆಸಿಕೊಡಲಿರುವ ಈ ವಿಶಿಷ್ಟ ಕಾರ್ಯಕ್ರಮ ವೀಕ್ಷಿಸಿ.

ಜಿಯೋ ಧನ್‍ ಧನಾ ಧನ್ ಲೈವ್ ಕಾರ್ಯಕ್ರಮವು `ಮೈಜಿಯೋ ಆ ಪ್ ಬಳಕೆದಾರರಿಗೆ' ಕ್ರಿಕೆಟ್‍ ಅಂಕಣದಾಚೆಗಿನ ಅಪರಿಚಿತ ಮುಖಗಳ ಪರಿಚಯವನ್ನು ಮಾಡಿಕೊಡಲಿದೆ. ಇದರಲ್ಲಿ ಬಾಯ್ತುಂಬಾ ನಗು ಮತ್ತು ಕ್ರಿಕೆಟ್‍ ಪರಿಣತರ ಹಾಗೂ ಸೆಲೆಬ್ರಿಟಿ ಅತಿಥಿಗಳಿಂದ ವಿಶೇಷವಾದ ಟೀಕೆಟಿಪ್ಪಣಿಗಳು ಇರಲಿವೆ.

ಸೆಲೆಬ್ರಿಟಿ ಅತಿಥಿಗಳು ಕಾಣಿಸಿಕೊಳ್ಳಲಿದ್ದಾರೆ.

ಸುನೀಲ್ ಮತ್ತು ಸಮೀರ್ ಅವರ ಜೊತೆಗೆ ಈ ಕಾರ್ಯಕ್ರಮದಲ್ಲಿ ಹೆಸರಾಂತ ಕ್ರಿಕೆಟ್ ಆಟಗಾರರು, ಸೆಲೆಬ್ರಿಟಿ ಅತಿಥಿಗಳು ಕಾಣಿಸಿಕೊಳ್ಳಲಿದ್ದು, ಇವರೆಲ್ಲರೂ ಲೋಕಾಭಿರಾಮವಾಗಿ, ಹಾಸ್ಯದ ಧಾಟಿಯಲ್ಲಿ ಸಂಭಾಷಣೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

ಪ್ರಸಿದ್ಧ ಹಾಸ್ಯ ನಟ-ನಟಿಯರಾದ ಶಿಲ್ಪಾ ಶಿಂಧೆ, ಅಲಿ ಅಸ್ಗರ್, ಸುಗಂಧಾ ಮಿಶ್ರ, ಸುರೇಶ್ ಮೆನನ್, ಪರೇಶ್‍ ಗಣತ್ರಾ, ಶಿವಾನಿ ದಾಂಡೇಕರ್ ಮತ್ತು ಅರ್ಚನಾ ವಿಜಯ್ ಅವರು ಕೂಡ ಕಾಣಿಸಿಕೊಳ್ಳಲಿದ್ದಾರೆ. ಅಲ್ಲದೆ, ವಿಖ್ಯಾತ ಕ್ರಿಕೆಟ್ ದಂತಕತೆಗಳಾದ ಕಪಿಲ್‍ ದೇವ್‍ ಮತ್ತು ವೀರೇಂದ್ರ ಸೆಹ್ವಾಗ್ ಕೂಡ ಪರದೆಯ ಮೇಲೆ ಬರಲಿದ್ದಾರೆ.

ಜೀತೋ ಧನ್ ಧನಾ ಧನ್

ಜಿಯೋ ಕ್ರಿಕೆಟ್ ಪ್ಲೇ ಅಲಾಂಗ್ ಆನ್‍ಲೈನ್‍ ಆಟವು ಭಾರತದ ಎಲ್ಲಾ ಸ್ಮಾರ್ಟ್‍ಫೋನ್‍ ಬಳಕೆದಾರರಿಗೂ ಲಭ್ಯವಾಗಲಿದ್ದು, ಒಟ್ಟು 11 ಭಾಷೆಗಳಲ್ಲಿ ಈ ಆಟವನ್ನು ಆಡಬಹುದು. ಒಟ್ಟು 7 ವಾರಗಳ ಕಾಲ ನಡೆಯಲಿರುವ 60 ಪಂದ್ಯಗಳ ಐಪಿಎಲ್‍ ಋತುವಿನಲ್ಲಿ ಈ ಆಟವನ್ನು ಮೊಬೈಲ್‍ ಪರದೆಯಲ್ಲಿ ಹೇಗೆ ನೋಡಿ, ಆನಂದಿಸಬಹುದು ಎನ್ನುವುದಕ್ಕೆ ಜಿಯೋ ಕಂಪನಿಯು ಹೊಸ ಭಾಷ್ಯವನ್ನೇ ಬರೆದಿದೆ. ಪಂದ್ಯಗಳು ನಡೆಯುತ್ತಿರುವಾಗಲೇ ಸಂವಾದವನ್ನು ನಡೆಸುವ ಮೂಲಕ ಈ ಆಟವು ವಿನೂತನ ಅನುಭವವನ್ನು ಕ್ರಿಕೆಟ್‍ಪ್ರಿಯರಿಗೆ ಕೊಡಲಿದೆ.

ಕೋಟ್ಯಂತರ ಕಿಮ್ಮತ್ತಿನ ಬಹುಮಾನಗಳು!

ಈ ಬಾರಿಯ ಕ್ರಿಕೆಟ್ ಋತುವು ಎಂದಿನಂತೆ ಕೇವಲ ಕ್ರಿಕೆಟ್ ವೀಕ್ಷಣೆಗಷ್ಟೇ ಸೀಮಿತವಾಗಿಲ್ಲ. ಬದಲಿಗೆ ಇದು `ಹಸೋ, ಖೇಲೋ, ಜೀತೋ' (ನಗುತಾ, ಆಡುತಾ, ಗೆಲ್ಲಿರಿ!) ಎಂಬ ಹೊಸ ಮಂತ್ರವನ್ನೇ ಒಳಗೊಂಡಿದೆ. ಆಟವೆಂದಮೇಲೆ ಸೋಲು, ಗೆಲುವು ಸಹಜ. ಆದರೆ, `ಜಿಯೋ ಕ್ರಿಕೆಟ್ ಪ್ಲೇ ಅಲಾಂಗ್' ಆನ್‍ಲೈನ್ ಆಟವನ್ನು ಆಡುವ ಪ್ರತಿಯೊಬ್ಬರೂ ಗೆಲ್ಲಲೇಬೇಕು ಎನ್ನುವುದು ಜಿಯೋದ ಕನಸಾಗಿದೆ. ಹೀಗಾಗಿ, ಜಿಯೋ ಕಂಪನಿಯು ನೀವು ಮೂಗಿನ ಮೇಲೆ ಬೆರಳಿಟ್ಟುಕೊಂಡು, ಆಶ್ಚರ್ಯವನ್ನು ವ್ಯಕ್ತಪಡಿಸುವಂತಹ ಭಾರೀ ಮೊತ್ತದ ಮತ್ತು ಆಕರ್ಷಕ ಬಹುಮಾನಗಳನ್ನು ಘೋಷಿಸಿದೆ.

ಜಿಯೋ ಕ್ರಿಕೆಟ್ ಸೀಸನ್ ಪ್ಯಾಕ್

ಜಿಯೋ ಈ ಬಾರಿ ಇನ್ನೊಂದು ಹೊಸ ಉಪಕ್ರಮವನ್ನು ಕೈಗೊಂಡಿದೆ. ಅದೇನೆಂದರೆ, ಕ್ರಿಕೆಟ್‍ ಅಭಿಮಾನಿಗಳು ಸುಲಭವಾಗಿ ತಮ್ಮ ಅಚ್ಚುಮೆಚ್ಚಿನ ಪಂದ್ಯಗಳನ್ನು ನೋಡುವಂಥ ಸದವಕಾಶ! ಇದಕ್ಕೆಂದೇ ಜಿಯೋ ಕ್ರಿಕೆಟ್‍ ಸೀಸನ್ ಪ್ಯಾಕ್ ಅನ್ನು ಘೋಷಿಸಿದೆ. ಇದು 51 ದಿನಗಳ ಕಾಲಾವಧಿಯನ್ನು ಒಳಗೊಂಡಿದ್ದು, ಕೇವಲ 251 ರೂಪಾಯಿಗಳಿಗೆ 102 ಜಿಬಿ ಡೇಟಾವನ್ನು ಕೊಡಲಾಗುತ್ತಿದೆ. ಜಗತ್ತಿನ ಬೇರಾವ ಕಂಪನಿಯೂ ಇಂಥ ಆಕರ್ಷಕ ಯೋಜನೆಯನ್ನು ಇದುವರೆಗೆ ರೂಪಿಸಿಲ್ಲ!