IPL 2023 ಹರಾಜು: ವಿದೇಶದ ಈ ನಗರದಲ್ಲಿ ಐಪಿಎಲ್ ಮಿನಿ ಹರಾಜು ನಡೆಸಲು ಯೋಜನೆ?

ಫ್ರಾಂಚೈಸಿಗಳ ಜೊತೆ ಚರ್ಚೆ ಬಳಿಕ ಅಂತಿಮ ತೀರ್ಮಾನ

ಬಿಸಿಸಿಐ ಮತ್ತು ಐಪಿಎಲ್ ಅಧಿಕಾರಿಗಳು ಎಲ್ಲಾ ಫ್ರಾಂಚೈಸಿಗಳೊಂದಿಗೆ ಸ್ಥಳದ ಕುರಿತು ಮಾತುಕತೆ ನಡೆಸುತ್ತಿದ್ದು, ನಿಯಮಿತ ಆತಿಥೇಯ ಬೆಂಗಳೂರು ಕೂಡ ಸ್ಪರ್ಧೆಯಲ್ಲಿದೆ. ಐಪಿಎಲ್ ಮತ್ತು ಹರಾಜು ಜಾಗತಿಕವಾಗಿ ಭಾರಿ ಜನಪ್ರಿಯತೆಯನ್ನು ಹೊಂದಿರುವುದರಿಂದ, ಅಧಿಕಾರಿಗಳು ಹರಾಜು ಪ್ರಕ್ರಿಯೆಯನ್ನು ವಿದೇಶಕ್ಕೆ ಸ್ಥಳಾಂತರಿಸುವ ಪರವಾಗಿದ್ದಾರೆ. ಆದರೆ, ಹಿಂದೆ ಫ್ರಾಂಚೈಸಿಗಳು ಇದು ದುಬಾರಿ ವೆಚ್ಚದ ಪ್ರಕ್ರಿಯೆ ಎಂದು ವಾದಿಸಿದ್ದಾರೆ.

ಈ ಮೊದಲು, ಸಿಂಗಾಪುರದಲ್ಲಿ ಐಪಿಎಲ್ ಹರಾಜು ನಡೆಸಲಾಯಿತು, ಲಂಡನ್ ಕೂಡ ಹಿಂದೆ ಹರಾಜಿನ ಸ್ಥಳವಾಗಿದೆ. ಆದಾಗ್ಯೂ, ಮಾಧ್ಯಮ ಹಕ್ಕುಗಳು ಸಾವಿರಾರು ಕೋಟಿ ರುಪಾಯಿಗೆ ಮಾರಾಟವಾಗುವುದರೊಂದಿಗೆ ಇತ್ತೀಚೆಗೆ ಐಪಿಎಲ್ ಕೇಂದ್ರ ಆದಾಯವು ಮೂರು ಪಟ್ಟು ಹೆಚ್ಚಾಗಿದೆ. ಆದ್ದರಿಂದ, ವಿದೇಶದಲ್ಲಿ ಹರಾಜು ಪ್ರಕ್ರಿಯೆ ನಡೆಸಲು ಹೆಚ್ಚು ಉತ್ಸಾಹ ತೋರುತ್ತಿದೆ.

ಟಿ20 ವಿಶ್ವಕಪ್: ಯಶಸ್ಸಿಗೆ ಕಾರಣ ಹೇಳಿದ ಯುವ ಆಲ್‌ರೌಂಡರ್ ಸ್ಯಾಮ್ ಕರನ್

ಮಿನಿ ಹರಾಜು ಒಂದು ದಿನದ ಪ್ರಕ್ರಿಯೆ

ಇಸ್ತಾಂಬುಲ್ ಅಂತಿಮಗೊಳಿಸುವ ಬಗ್ಗೆ ಇನ್ನು ಎಲ್ಲಾ ಫ್ರಾಂಚೈಸಿಗಳು ಒಪ್ಪಿಗೆ ನೀಡಿಲ್ಲ. ಆದರೆ, ಈ ಬಗ್ಗೆ ಪ್ರಮುಖ ನಿರ್ಧಾರವನ್ನು ಬಿಸಿಸಿಐ ತೆಗೆದುಕೊಳ್ಳಲಿದೆ. ನವೆಂಬರ್ ಮೊದನೇ ವಾರದಲ್ಲಿ ಈ ಬಗ್ಗೆ ಅಂತಿಮ ನಿರ್ಧಾರ ಹೊರಬೀಳುವ ಸಾಧ್ಯತೆ ಇದೆ ಎಂದು ಭಾರತೀಯ ಕ್ರಿಕೆಟ್ ಅಧಿಕಾರಿಗಳು ಫ್ರಾಂಚೈಸಿಗಳಿಗೆ ತಿಳಿಸಿದ್ದಾರೆ

ಐಪಿಎಲ್ 16 ರ ಮಿನಿ-ಹರಾಜು ಪ್ರಕ್ರಿಯೆ ಕೇವಲ ಒಂದು ದಿನ ಮಾತ್ರ ನಡೆಯಲಿದೆ. ಬಿಸಿಸಿಐ ಮತ್ತು ಐಪಿಎಲ್‌ ಕಾರ್ಯಾಗರ ನಡೆಸುವ ಸಾಧ್ಯತೆ ಇದೆ. ಟರ್ಕಿಯ ಸಂಪೂರ್ಣ ಪ್ರವಾಸವು ಕೇವಲ ಮೂರು ಅಥವಾ ನಾಲ್ಕು ದಿನಗಳವರೆಗೆ ಇರುತ್ತದೆ.

5 ಕೋಟಿ ರುಪಾಯಿ ಸಂಬಳದ ಪರ್ಸ್ ಹೆಚ್ಚಳ

ಐಪಿಎಲ್ 2022 ಹರಾಜಿನಲ್ಲಿ, ಸಂಬಳದ ಪರ್ಸ್ ಅನ್ನು 90 ಕೋಟಿ ರುಪಾಯಿಯಿಂದ 95 ಕೋಟಿ ರುಪಾಯಿಗೆ ಹೆಚ್ಚಿಸಲಾಗಿದೆ. ಯೋಜನೆಗಳ ಪ್ರಕಾರ, ಇದು ಪ್ರತಿ ವರ್ಷ 5 ಕೋಟಿ ರುಪಾಯಿ ಹೆಚ್ಚಾಗಲಿದೆ, ಐಪಿಎಲ್ 2024ಕ್ಕೆ 100 ಕೋಟಿ ರುಪಾಯಿಗೆ ಹೆಚ್ಚಾಗುತ್ತದೆ.

ಆದಾಗ್ಯೂ, ಟ್ರೇಡ್-ಇನ್‌ಗಳನ್ನು ಅವಲಂಬಿಸಿ, ಸಂಬಳದ ಪರ್ಸ್ ಹೆಚ್ಚಬಹುದು ಅಥವಾ ಕುಗ್ಗಬಹುದು. ಐಪಿಎಲ್ 2023 ಮಾರ್ಚ್ ಕೊನೆಯ ವಾರ ಆರಂಭವಾಗುವ ನಿರೀಕ್ಷೆಯಿದೆ. ಐಪಿಎಲ್ ಆಡಳಿತ ಮಂಡಳಿ ಸಭೆ ಸೇರಿದಾಗ ಹರಾಜು ಸಮಯದಲ್ಲಿ ಅಂತಿಮ ನಿರ್ಧಾರವನ್ನು ಪ್ರಕಟಿಸುವ ಸಾಧ್ಯತೆ ಇದೆ.