ಐಸಿಸಿ 2018 ವರ್ಷದ ಕ್ರಿಕೆಟಿಗನಾಗಿ ವಿಶ್ವ ದಾಖಲೆ ಬರೆದ ವಿರಾಟ್ ಕೊಹ್ಲಿ!

ಐಸಿಸಿ ಟೆಸ್ಟ್, ಏಕದಿನ ತಂಡದ ನಾಯಕ

ಟೆಸ್ಟ್ ಮತ್ತು ಏಕದಿನ ಎರಡೂ ಐಸಿಸಿ ಪ್ರಶಸ್ತಿಯನ್ನು ಒಟ್ಟಿಗೆ ಪಡೆದ ವಿಶ್ವದ ಮೊದಲ ಆಟಗಾರನಾಗಿ ಕೊಹ್ಲಿ ಮಿಂಚಿದ್ದಾರೆ. ಈ ಸಾಧನೆಯೊಂದಿಗೆ ಕೊಹ್ಲಿ ಅವರು ಐಸಿಸಿ ಟೆಸ್ಟ್ ಮತ್ತು ಏಕದಿನ ತಂಡದ ನಾಯಕ ಎಂಬ ಹಿರಿಮೆಯೂ ತನ್ನದಾಗಿಸಿಕೊಂಡಿದ್ದಾರೆ.

ವಿರಾಟ್ ಅದ್ಭುತ ಸಾಧನೆ

13 ಟೆಸ್ಟ್ ಪಂದ್ಯಗಳಲ್ಲಿ 55.08ರ ಸರಾಸರಿಯಂತೆ ಒಟ್ಟು 1,322 ರನ್ ಗಳನ್ನು ಕೊಹ್ಲಿ 2018ರ ವರ್ಷದಲ್ಲಿ ಗಳಿಸಿದ್ದರು. ಇದರಲ್ಲಿ 5 ಶತಕಗಳೂ ಸೇರಿದ್ದವು. ಒಟ್ಟು 14 ಏಕದಿನ ಪಂದ್ಯಗಳಲ್ಲಿ 133.55 ಸರಾಸರಿಯಂತೆ ಕೊಹ್ಲಿ 1202 ರನ್ ಸಾಧನೆ ಹೊಂದಿದ್ದಾರೆ. 10 ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳಲ್ಲಿ ಕೊಹ್ಲಿ 211 ರನ್ ಬಾರಿಸಿದ್ದಾರೆ.

ಹಿಂದೆಯೂ ಪ್ರಶಸ್ತಿ ಬಾಚಿಕೊಂಡಿದ್ದ ಕೊಹ್ಲಿ

ಕಳೆದ ವರ್ಷ ವಿರಾಟ್ ಕೊಹ್ಲಿ ಸರ್ ಗಾರ್ಫೀಲ್ಡ್ ಟ್ರೋಫಿ ಮತ್ತು ಐಸಿಸಿ ವರ್ಷದ ಏಕದಿನ ಕ್ರಿಕೆಟ್ ಆಟಗಾರ ಪ್ರಶಸ್ತಿ ಪಡೆದಿದ್ದರು. 2012ರಲ್ಲೂ ಕ್ಯಾಪ್ಟನ್ ಕೊಹ್ಲಿ ಐಸಿಸಿ ಏಕದಿನ ಪಂದ್ಯದಲ್ಲಿ ವರ್ಷದ ಆಟಗಾರ ಪ್ರಶಸ್ತಿ ಪಡೆದಿದ್ದನ್ನು ಇಲ್ಲಿ ಗಮನಿಸಬಹುದು.

ನನ್ನ ತಂಡವೇ ಅದ್ಭುತವಾಗಿದೆ

'ಈ ಅನುಭವ ಅದ್ಭುತವಾಗಿದೆ. ಪ್ರಸಕ್ತ ವರ್ಷದಲ್ಲಿ ಶ್ರಮಿಸಿದ್ದಕ್ಕೆ ಸಿಕ್ಕ ಫಲವಿರು. ಈ ಪ್ರಶಸ್ತಿ ಲಭಿಸಿದ್ದಕ್ಕೆ ನನಗೆ ನಿಜಕ್ಕೂ ಹೆಮ್ಮೆ ಮತ್ತು ಖುಷಿ ಅನ್ನಿಸಿದೆ. ನನ್ನ ತಂಡವೇ ಅದ್ಭುತವಾಗಿದೆ. ಹಾಗಾಗಿ ನಾನೂ ಈ ಸಾಧನೆ ತೋರೋದು ಸಾಧ್ಯವಾಗಿದೆ' ಎಂದು ಪ್ರಶಸ್ತಿ ಸ್ವೀಕರಿಸಿದ ಬಳಿಕ ಕೊಹ್ಲಿ ತಂತಸ ತೋರಿಕೊಂಡರು.