ಪಾಕಿಸ್ತಾನ್ ಕ್ರಿಕೆಟ್ ಉಳಿವಿಗೆ ಭಾರತದ ಅಗತ್ಯವೇನಿಲ್ಲ: ಪಿಸಿಬಿ ಅಧ್ಯಕ್ಷ

ಕರಾಚಿ, ಏಪ್ರಿಲ್ 14: ಪಾಕಿಸ್ತಾನ ಕ್ರಿಕೆಟ್‌ ಬೋರ್ಡ್‌ (ಪಿಸಿಬಿ) ಆದಾಯ ನಷ್ಟದಿಂದ ಬಳಲುತ್ತಿದೆ ಆದರೆ ಪಿಸಿಬಿ ಉಳಿವಿಗೆ ಭಾರತದ ಅಗತ್ಯವೇನಿಲ್ಲ ಎಂದು ಪಿಸಿಬಿ ಅಧ್ಯಕ್ಷ ಎಹ್ಸಾನ್ ಮನಿ ಮಂಗಳವಾರ (ಏಪ್ರಿಲ್ 14) ಹೇಳಿದ್ದಾರೆ. ಇಂಡೋ-ಪಾಕ್ ಸರಣಿ ನಡೆಸುವ ಬಗ್ಗೆ ಪಾಕ್ ಕ್ರಿಕೆಟಿಗರು ಮತ್ತು ಭಾರತದ ಆಟಗಾರರ ನಡುವಿನ ಜಟಾಪಟಿಗೆ ಸಂಬಂಧಿಸಿ ಎಹ್ಸಾನ್ ಈ ಹೇಳಿಕೆ ನೀಡಿದ್ದಾರೆ.

ಚಿಕ್ಕ ಹುಡುಗನೊಂದಿಗೆ ತಾಯಿಯ ಸಖ್ಯಕ್ಕೆ ಒಪ್ಪಿಗೆ ಸೂಚಿಸಿದ ನೇಮರ್!ಚಿಕ್ಕ ಹುಡುಗನೊಂದಿಗೆ ತಾಯಿಯ ಸಖ್ಯಕ್ಕೆ ಒಪ್ಪಿಗೆ ಸೂಚಿಸಿದ ನೇಮರ್!

ಬಿಸಿಸಿಐಯನ್ನು ವಿಶ್ವಾಸಾರ್ಹವಲ್ಲವೆಂದು ಪರಿಗಣಿಸಿರುವ ಎಹ್ಸಾನ್ ಮನಿ, ಬಹುಕಾಲದಿಂದ ಭಾರತ-ಪಾಕಿಸ್ತಾನ ನಡುವಿನ ದ್ವಿಪಕ್ಷೀಯ ಸರಣಿ ನಡೆಯದ ಹೊರತಾಗಿಯೂ ಪಾಕಿಸ್ತಾನ ಸಾಕಷ್ಟು ಶಕ್ತವಾಗಿದೆ. ಪಾಕ್ ಕ್ರಿಕೆಟ್ ಉಳಿಯಲು ಭಾರತ-ಪಾಕ್ ದ್ವಿಪಕ್ಷೀಯ ಸರಣಿ ನಡೆಯಲೇಬೇಕೆಂದೇನೂ ಇಲ್ಲ ಎಂದಿದ್ದಾರೆ.

ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಕಾಲೆಳೆದ ನೇಥನ್ ಲಿಯಾನ್ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಕಾಲೆಳೆದ ನೇಥನ್ ಲಿಯಾನ್

'ಆದಾಯ ನಷ್ಟದಿಂದ ನಾವು ಸಮಸ್ಯೆಯಲ್ಲಿದ್ದೇವೆ. ಆದರೆ ನಮ್ಮ ಆದಾಯ ಸರಿಪಡಿಸಿಕೊಳ್ಳುವುದಕ್ಕಾಗಿ ನಾವು ಭಾರತದತ್ತ ಯೋಚಿಸಿಲ್ಲ. ಅವರ ಬಗ್ಗೆ ಯೋಚಿಸೋದು ಸರಿಬರೋಲ್ಲ. ಅವರ ನೆರವಿಲ್ಲದೆಯೂ ಪಿಸಿಬಿ ಉಳಿಯಬಲ್ಲದು,' ಎಂದು ಎಹ್ಸಾನ್ ಹೇಳಿದ್ದಾರೆ.

ಈ ಪಾಕ್ ಕ್ರಿಕೆಟಿಗ ಕೊಹ್ಲಿಯನ್ನು ಮೀರಿ ನಿಲ್ಲುವ ಶಕ್ತಿ ಹೊಂದಿದ್ದಾನೆ: ರಮೀಜ್ ರಾಜಾಈ ಪಾಕ್ ಕ್ರಿಕೆಟಿಗ ಕೊಹ್ಲಿಯನ್ನು ಮೀರಿ ನಿಲ್ಲುವ ಶಕ್ತಿ ಹೊಂದಿದ್ದಾನೆ: ರಮೀಜ್ ರಾಜಾ

'ಭಾರತಕ್ಕೆ ನಮ್ಮ ಜೊತೆ ಆಡೋದು ಬೇಕಿಲ್ಲ ಅನ್ನೋದನ್ನು ನಾನು ಸ್ಪಷ್ಟವಾಗಿ ಹೇಳಬಲ್ಲೆ. ಹೀಗಾಗಿ ನಾವು ಅವರನ್ನು (ಭಾರತವನ್ನು) ಬಿಟ್ಟು ಯೋಚಿಸಬೇಕಾಗಿದೆ,' ಎಂದು ಮನಿ ನುಡಿದರು. ಇದಕ್ಕೂ ಮುನ್ನ ಪಾಕ್ ಮಾಜಿ ವೇಗಿ ಶೋಯೆಬ್ ಅಖ್ತರ್, ಇಂಡೋ-ಪಾಕ್ ಸರಣಿ ನಡೆದರೆ ನಮಗೆ ಸಹಾಯವಾಗಲಿದೆ ಎಂದಿದ್ದರು.

ಭಾರತದ ಕ್ರಿಕೆಟ್ ದಿಗ್ಗಜ ಕಪಿಲ್ ದೇವ್‌ಗೆ ಶಾಹಿದ್ ಅಫ್ರಿದಿ ತಿರುಗೇಟು!ಭಾರತದ ಕ್ರಿಕೆಟ್ ದಿಗ್ಗಜ ಕಪಿಲ್ ದೇವ್‌ಗೆ ಶಾಹಿದ್ ಅಫ್ರಿದಿ ತಿರುಗೇಟು!

ಆದರೆ ಅಖ್ತರ್ ಸಲಹೆ ಭಾರತದ ಮಾಜಿ ನಾಯಕ ಕಪಿಲ್ ದೇವ್‌ಗೆ ಸರಿ ಕಂಡಿರಲಿಲ್ಲ, ಅವರು ನಕಾರಾತ್ಮಕ ಪ್ರತಿಕ್ರಿಯೆ ನೀಡಿದ್ದರು. ಅದಾಗಿ ಪಾಕ್ ಆಲ್ ರೌಂಡರ್ ಶಾಹಿದ್ ಅಫ್ರಿದಿ ಕೂಡ ಕಪಿಲ್ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದರು. ಈ ಎಲ್ಲ ಬೆಳವಣಿಗೆಗೆ ಪ್ರತಿಕ್ರಿಯೆ ಎಂಬಂತೆ ಎಹ್ಸಾನ್ ಈ ಹೇಳಿಕೆ ನೀಡಿದ್ದಾರೆ.

For Quick Alerts
ALLOW NOTIFICATIONS
For Daily Alerts
Story first published: Tuesday, April 14, 2020, 22:52 [IST]
Other articles published on Apr 14, 2020
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X