ಕ್ರಿಕೆಟ್: ಖವಾಜಾ ಅದ್ಭುತ ಆಟ: ಸೋಲುವ ಪಂದ್ಯ ಉಳಿಸಿಕೊಂಡ ಆಸ್ಟ್ರೇಲಿಯಾ

ಕಾಡಿದ ಖವಾಜಾ-ಹೆಡ್

ಖವಾಜಾ ಮತ್ತು ಟ್ರಾವಿಸ್ ಹೆಡ್ ನಾಲ್ಕನೆಯ ವಿಕೆಟ್‌ಗೆ 50 ಓವರ್‌ಗಳ ಆಟವಾಡಿ 132 ರನ್‌ಗಳನ್ನು ಸೇರಿಸಿದರು. 175 ಎಸೆತಗಳಲ್ಲಿ 72 ರನ್ ಗಳಿಸಿದ್ದ ಹೆಡ್, ಹಫೀಜ್ ಬೌಲಿಂಗ್‌ನಲ್ಲಿ ವಿಕೆಟ್ ಒಪ್ಪಿಸಿದರು. ಬಳಿಕ ಬಂದ ಮಾರ್ನಸ್ ಲಬುಶ್ಚಗ್ನೆ ಹೆಚ್ಚು ಹೊತ್ತು ನಿಲ್ಲಲಿಲ್ಲ.

ಮಯಾಂಕ್ ಗೆ ಕೈ ಕೊಟ್ಟ ಅದೃಷ್ಟ, ಟೀಂ ಮ್ಯಾನೇಜ್ಮೆಂಟ್ ಹಳಿದ ಫ್ಯಾನ್ಸ್

ಸತತ ವಿಕೆಟ್ ಪತನ

ನಂತರ ಖವಾಜಾ ಅವರನ್ನು ಸೇರಿಕೊಂಡ ನಾಯಕ ಟಿಮ್ ಪೈನ್ ಡ್ರಾ ಗುರಿಯೊಂದಿಗೆ ಬಹು ತಾಳ್ಮೆಯ ಆಟ ಪ್ರದರ್ಶಿಸಿದರು. ಪಂದ್ಯ ಮುಗಿಯಲು ಸುಮಾರು 15 ಓವರ್‌ಗಳ ಆಟ ಬಾಕಿ ಇರುವಾಗ 302 ಎಸೆತಗಳಲ್ಲಿ 141 ರನ್ ಗಳಿಸಿದ್ದ ಖವಾಜಾ ಔಟಾದರು. ಅದರ ಬೆನ್ನಲ್ಲೇ ಮಿಚೆಲ್ ಸ್ಟಾರ್ಕ್ ಮತ್ತು ಪೀಟರ್ ಸಿಡ್ಲ್ ವಿಕೆಟ್ ಒಪ್ಪಿಸಿದರು. 338ಕ್ಕೆ 8 ವಿಕೆಟ್ ಕಳೆದುಕೊಂಡಿದ್ದರಿಂದ ಪಾಕ್‌ ಕೈಗೆ ಗೆಲುವಿನ ತುತ್ತು ಬರಲಿದೆ ಎಂದು ಭಾವಿಸಲಾಗಿತ್ತು.

ಪೈನ್-ಲಯಾನ್ ಜುಗಲ್ಬಂದಿ

ಆದರೆ, ಪೈನ್ ಮತ್ತು ನಥಾನ್ ಲಿಯಾನ್ ಪಾಕ್ ಆಸೆಗೆ ತಣ್ಣೀರೆರಚಿದರು. ಇಬ್ಬರೂ 12 ಓವರ್‌ಗಳನ್ನು ಆಡಿ ಪಾಕಿಸ್ತಾನದ ಬೌಲರ್‌ಗಳನ್ನು ಸತಾಯಿಸಿದರು. ಸಮಯ ಮೀರಿದ್ದರಿಂದ ಆಟವನ್ನು ಸ್ಥಗಿತಗೊಳಿಸಲಾಯಿತು. ಇದರಿಂದ ಪಾಕ್ ಜಯದ ಕನಸು ಭಗ್ನವಾದರೆ, ಆಸ್ಟ್ರೇಲಿಯಾ ನಿಟ್ಟುಸಿರುಬಿಟ್ಟರು. ಟಿಮ್ ಪೈನ್ 194 ಎಸೆತ ಎದುರಿಸಿ 61 ರನ್ ಗಳಿಸಿ ಅಜೇಯರಾದರೆ, ಅವರಿಗೆ ಉತ್ತಮ ಸಾಥ್ ನೀಡಿದ ಲಿಯಾನ್ 34 ಎಸೆತದಲ್ಲಿ 5 ರನ್ ಗಳಿಸಿ ತಂಡವನ್ನು ಸೋಲಿನಿಂದ ಪಾರು ಮಾಡಿದರು.

ಸದ್ಯ, ಬ್ಯಾಟಿಂಗ್ ಸಿಗಲಿಲ್ಲ!

ಚಿಕ್ಕವರಿದ್ದಾಗ ನಮಗೆ ಬ್ಯಾಟಿಂಗ್ ಸಿಗಬೇಕು ಎಂದು ಬಯಸುತ್ತಿದ್ದೆವು. ಆದರೆ ಇಂದು ಕೊನೆಯ ಬ್ಯಾಟ್ಸ್‌ಮನ್ ಜಾನ್ ಹೊಲಾಂಡ್ ತನಗೆ ಬ್ಯಾಟಿಂಗ್ ಸಿಗುವುದು ಬೇಡ ಎಂದು ಪ್ರಾರ್ಥನೆ ಮಾಡುತ್ತಿದ್ದುದ್ದರಲ್ಲಿ ಯಾವ ಅನುಮಾನವೂ ಇಲ್ಲ. ಪಂದ್ಯ ಮುಗಿದ ಬಳಿಕ ಅವರ ಮುಖವೇ ಎಲ್ಲವನ್ನೂ ಹೇಳುತ್ತಿತ್ತು. ಅದೃಷ್ಟವಶಾತ್ ಆತನ ಗೆಳೆಯರು ಚೆನ್ನಾಗಿ ಕೆಲಸ ಮಾಡಿದರು ಎಂದು ಗ್ಲೆನ್ ಮಿಚೆಲ್ ಟ್ವೀಟ್ ಮಾಡಿದ್ದಾರೆ.

ಟೆಸ್ಟ್ ಕ್ರಿಕೆಟ್ ಸಾಯುವುದಿಲ್ಲ

ಟೆಸ್ಟ್ ಕ್ರಿಕೆಟ್ ಎಂದಿಗೂ ಸಾಯುವುದಿಲ್ಲ. ನಾವು ಪ್ರತಿಯೊಂದು ಡಾಟ್ ಬಾಲ್‌ಅನ್ನೂ ಅಥವಾ ಡ್ರಾ ಪಂದ್ಯವನ್ನೂ ಎಂಜಾಯ್ ಮಾಡಿದ್ದೇವೆ. ಖವಾಜಾ ಮತ್ತು ಟಿಮ್ ಪೈನ್ ಚೆನ್ನಾಗಿ ಆಡಿದ್ದೀರಿ. ಪಾಕಿಸ್ತಾನದಿಂದ ಅದ್ಭುತ ಹೋರಾಟ ಇತ್ತು ಎಂದು ಪಾಕ್ ಕ್ರಿಕೆಟಿಗ ಫಾವದ್ ಅಹ್ಮದ್ ಟ್ವೀಟ್ ಮಾಡಿದ್ದಾರೆ.

ಏಷ್ಯಾದಲ್ಲಿ ಅತಿ ಸುದೀರ್ಘ 4ನೇ ಇನ್ನಿಂಗ್ಸ್

142 ಓವರ್ - ಬಾಂಗ್ಲಾದೇಶ vs ಜಿಂಬಾಬ್ವೆ, ಢಾಕಾ, 2005
140 ಓವರ್ - ಇಂಗ್ಲೆಂಡ್ vs ಶ್ರೀಲಂಕಾ, ಕ್ಯಾಂಡಿ , 2003
139.5 ಓವರ್ - ಆಸ್ಟ್ರೇಲಿಯಾ vs ಪಾಕಿಸ್ತಾನ, ದುಬೈ, 2018
136 ಓವರ್ - ಭಾರತ vs ವೆಸ್ಟ್ ಇಂಡೀಸ್, ಕೋಲ್ಕತಾ, 1948

26 ಜಿಂಬಾಬ್ವೆ (2005-17)

26 ಜಿಂಬಾಬ್ವೆ (2005-17)
23 ಆಸ್ಟ್ರೇಲಿಯಾ (1999-01)
22 ಇಂಗ್ಲೆಂಡ್ (1884-92)
22 ಆಸ್ಟ್ರೇಲಿಯಾ (2001-03)
22 ಪಾಕಿಸ್ತಾನ (2015-18)- ಈ ಪಂದ್ಯದೊಂದಿಗೆ ಅಂತ್ಯ

ಮೊದಲ ಡ್ರಾ ಸಾಧನೆ

1998ರ ಬಳಿಕ ಆಸ್ಟ್ರೇಲಿಯಾ-ಪಾಕಿಸ್ತಾನ ಟೆಸ್ಟ್ ಪಂದ್ಯ ಮೊದಲ ಬಾರಿಗೆ ಡ್ರಾ ಆಗಿದೆ. ಅಲ್ಲಿಂದ ಇದುವರೆಗೂ ಉಭಯ ತಂಡಗಳು 19 ಬಾರಿ ಮುಖಾಮುಖಿಯಾಗಿದ್ದವು. ಈ ಎಲ್ಲ ಪಂದ್ಯಗಳಲ್ಲಿಯೂ ಫಲಿತಾಂಶ ದೊರೆತಿದ್ದವು. ಪಾಕ್ 3 ಮತ್ತು ಆಸ್ಟ್ರೇಲಿಯಾ 16 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದ್ದವು.