ಜಾರ್ಗ್ ಸಂಪೋಲಿ ಆಯ್ಕೆಯಲ್ಲಿ ಲೋಪ
ಕ್ರೋವೇಷಿಯಾ ತಂಡವನ್ನು ಹಗುರವಾಗಿ ಪರಿಗಣಿಸಿದ ಅರ್ಜೆಂಟೀನಾದ ಕೋಚ್ ಸಂಪೋಲಿ ಅವರು ಭಾರಿ ಬೆಲೆ ತೆತ್ತಿದ್ದಾರೆ. ಅರ್ಜೆಂಟೀನಾದ ಸ್ಟಾರ್ ಆಟಗಾರರಾದ ಏಂಜೆಲ್ ಡಿ ಮಾರಿಯಾ, ಗೊನ್ಜಾಲೊ ಹಿಗ್ವೇನ್, ಪಾಲೋ ಡಿಬಾಲಾ ಅವರನ್ನು ಬೆಂಚು ಕಾಯುವಂತೆ ಮಾಡಿದ್ದು ದೊಡ್ಡ ಪ್ರಮಾದವಾಯಿತು. ಎನ್ಜೊ ಪೆರೆಜ್, ಗ್ಯಾಬ್ರಿಯಲ್ ಮರ್ಸಾಡೋ, ನಿಕೊಲೊಸ್ ಟಾಗ್ಲಿಫಿಕೋ, ಮ್ಯಾಕ್ಸಿ ಮೆಜಾ ಹಾಗೂ ಮಾರ್ಕೊಸ್ ಅಕುನಾಗೆ ಅವಕಾಶ ನೀಡಿದ್ದು ತಪ್ಪು ಎಂಬುದು ಅರಿವಾಗುವಷ್ಟರಲ್ಲಿ ಪಂದ್ಯ ಕೈತಪ್ಪಿ ಹೋಗಿತ್ತು.
2. ರಣತಂತ್ರದಲ್ಲಿ ಎಡವಿದ ಅರ್ಜೆಂಟೀನಾ
ಐಸ್ ಲ್ಯಾಂಡ್ ವಿರುದ್ಧದ ಮೊದಲ ಪಂದ್ಯದಲ್ಲಿ 4-2-3-1 ಮಾದರಿಯಲ್ಲಿ ಕಣಕ್ಕಿಳಿದಿದ್ದ ಅರ್ಜೆಂಟೀನಾ 1-1 ಡ್ರಾ ಸಾಧಿಸಿದ್ದೇ ಸಾಧನೆಯಾಯಿತು.
ಕ್ರೋವೇಷಿಯಾ ವಿರುದ್ಧ 3-4-3-1 ಮಾದರಿಯಲ್ಲಿ ಅರ್ಜೆಂಟೀನಾ ಕಣಕ್ಕಿಳಿಯುತ್ತಿದೆ. 1-3-2-4-1 ಮಾದರಿಯಲ್ಲಿ ಲೂಕಾ ಮೊಡ್ರಿಚ್ ನಾಯಕತ್ವದಲ್ಲಿ ಮೈದಾನಕ್ಕಿಳಿದು ಸಮರ್ಥವಾಗಿ ಪ್ರದರ್ಶನ ನೀಡಿತು.ಅರ್ಹತಾ ಸುತ್ತಿನಲ್ಲಿ ನಾಲ್ವರು ಆಟಗಾರರನ್ನು ರಕ್ಷಣಾ ಪಡೆಯಲ್ಲಿ ಇರಿಸಿಕೊಳ್ಳುತ್ತಿದ್ದ ಅರ್ಜೆಂಟೀನಾ, ಈ ಪಂದ್ಯದಲ್ಲಿ ರಕ್ಷಣಾ ತಂತ್ರ ಬದಲಾಯಿಸಿದ್ದರಿಂದ ಕ್ರೊವೇಷಿಯಾಕ್ಕೆ ದಾಳಿ ಮಾಡಲು ಸುಲಭವಾಯಿತು. ಮೋಡ್ರಿಚ್ ಹಾಗೂ ರೆಬಿಕ್ ಸತತ ದಾಳಿ ನಡೆಸಿ, ಗೋಲು ಬಾರಿಸಿದರು.
|
3. ಆಟಗಾರರನ್ನು ಬಳಸಿಕೊಂಡ ರೀತಿ
ಚೆಲ್ಸಿ ಪರ ಆಡುವ 36 ವರ್ಷ ವಯಸ್ಸಿನ ವಿಲ್ಲಿ ಕಾಬಾಲ್ಲೆರೋ ಕಳಪೆ ಫಾರ್ಮ್ ನಲ್ಲಿರುವುದು ಎಲ್ಲರಿಗೂ ಗೊತ್ತಿರುವ ವಿಷಯವಾಗಿತ್ತು. ಆದರೆ, ವಿಲ್ಲಿ ಮಾಡಿದ ಪ್ರಮಾದದಿಂದಾಗಿ ಕ್ರೋವೇಷಿಯಾದ ಆಂಟೆ ರೆಬಿಕ್ ಅದ್ಭುತವಾಗಿ ಗೋಲು ಬಾರಿಸಿದರು.
4. ಲೂಕಾ ಮೋಡ್ರಿಚ್ ಆಟ
ಜನಪ್ರಿಯ ಆಟಗಾರ, ಅದ್ಭುತ ಮಿಡ್ ಫೀಲ್ಡರ್ ಲೂಕಾ ಮೊಡ್ರಿಚ್ ಅವರು ತಮ್ಮ ಅನುಭವವನ್ನು ಸಮರ್ಥವಾಗಿ ಬಳಸಿಕೊಂಡರು. ಬಾರ್ಸಿಲೋನಾದ ಮೆಸ್ಸಿ ವಿರುದ್ಧ ಯಾವ ರೀತಿ ಆಡಬೇಕು ಎಂಬುದನ್ನು ರಿಯಲ್ ಮ್ಯಾಡ್ರಿಡ್ ಆಟಗಾರ ಮೊಡ್ರಿಚ್ ಚೆನ್ನಾಗಿ ಬಲ್ಲರು. ಕ್ರೋವೇಷಿಯಾದ ನಾಯಕ ಮೋಡ್ರಿಚ್ ಮುಂಪಡೆಯಲ್ಲಿ ಉತ್ತಮವಾಗಿ ಆಡಿ, ಗೋಲು ಗಳಿಸಿದ್ದಲ್ಲದೆ, ಮೆಸ್ಸಿ ಕಟ್ಟಿ ಹಾಕುವಲ್ಲಿ ನೆರವಾದರು.
|
5. ಸಂಘಟಿತ ಹೋರಾಟದ ಕೊರತೆ
ಮೆಸ್ಸಿ ಮುಂಪಡೆಯಲ್ಲಿ ಮುನ್ನುಗಲು ಆಗದಂಥ ರಕ್ಷಣಾ ತಂತ್ರವನ್ನು ಕ್ರೋವೇಷಿಯಾ ಮಾಡಿತ್ತು. ಮೆಸ್ಸಿ ಸುತ್ತ ಇತರೆ ಆಟಗಾರರನ್ನು ನಿಲ್ಲಿಸಿ ಮುನ್ನುಗ್ಗುವ ತಂತ್ರ ಹೆಣೆದಿದ್ದು ತಪ್ಪಾಯಿತು. ಈ ತಪ್ಪನ್ನು ಸರಿ ಪಡಿಸಿಕೊಳ್ಳುವ ಹೊತ್ತಿಗೆ ಪಂದ್ಯ ಕೈತಪ್ಪಿತ್ತು.