ಚಾಂಪಿಯನ್ಸ್ ಲೀಗ್ 2018 : ಹ್ಯಾಟ್ರಿಕ್ ಸಾಧಿಸಿದ ರಿಯಲ್ ಮ್ಯಾಡ್ರಿಡ್

ಕೀವ್, ಮೇ 27: ಸತತ ಮೂರನೇ ಬಾರಿಗೆ ಚಾಂಪಿಯನ್ಸ್ ಲೀಗ್ ಕಪ್ ಎತ್ತಿ ಹಿಡಿದ ರಿಯಲ್ ಮ್ಯಾಡ್ರಿಡ್ ಭರ್ಜರಿಯಾಗಿ ವಿಜಯೋತ್ಸವ ಆಚರಿಸಿದೆ. ಲಿವರ್ ಪೂಲ್ ವಿರುದ್ಧ 3-1ರ ಅಂತರದಲ್ಲಿ ಗೆದ್ದು ಬೀಗಿದೆ.

ಪಂದ್ಯದ ಸಂಪೂರ್ಣ ಅಂಕಿ ಅಂಶ

ಈ ಗೆಲುವಿನ ಮೂಲಕ ಸರ್ಗಿಯೋ ರಮೋಸ್ ನೇತೃತ್ವದ ತಂಡ, ಯುರೋಪಿಯನ್ ಕಪ್ ಹಾಗೂ ಚಾಂಪಿಯನ್ಸ್ ಲೀಗ್ ಕಪ್ ಸತತ ಮೂರು ಬಾರಿ ಗೆದ್ದ ಏಕೈಕ ತಂಡ ಎನಿಸಿಕೊಂಡಿದೆ. 1974 ಹಾಗೂ 1976ರಲ್ಲಿ ಬಾಯಾ ಮೂನಿಚ್ ಈ ಸಾಧನೆ ಮಾಡಿತ್ತು.

2 - Loris Karius has made more errors leading to goals tonight (2) than he did in his previous 32 competitive apps for Liverpool this season in 2017-18. Stage. pic.twitter.com/gLTFfiOUPC

— OptaJoe (@OptaJoe) May 26, 2018

ಮತ್ತೊಮ್ಮೆ ಇಂಗ್ಲೀಷ್ ಕ್ಲಬ್ ಗಳ ಮೇಲೆ ಸ್ಪ್ಯಾನೀಷ್ ತಂಡಗಳ ಪ್ರಾಬಲ್ಯ ಮುಂದುವರೆದಿದೆ. ಕಳೆದ ಏಳು ಯುಇಎಫ್ ಎ ಕ್ಲಬ್ ಪೈಪೋಟಿಯಲ್ಲಿ ಇಂಗ್ಲೀಷ್ ಕ್ಲಬ್ ಗಳು ಸೋಲು ಕಂಡಿವೆ.

ರಿಯಲ್ ಮ್ಯಾಡ್ರಿಡ್ ತಂಡದ ಮ್ಯಾನೇಜರ್ ಜಿನೆದಿನ್ ಜಿದಾನೆ ಅವರು ಬಾಬ್ ಪೈಸ್ಲೆ ಹಾಗೂ ಕಾರ್ಲೊ ಅನ್ಸೆಲೊಟ್ಟಿ ನಂತರ ಮೂರು ಯುರೋಪಿಯನ್ ಹಾಗೂ ಚಾಂಪಿಯನ್ಸ್ ಲೀಗ್ ಗೆದ್ದ ಸಾಧನೆ ಮಾಡಿದ್ದಾರೆ. ಆದರೆ, ಸತತ ಚಾಂಪಿಯನ್ಸ್ ಲೀಗ್ ಗೆಲ್ಲಿಸಿಕೊಟ್ಟಿದ್ದು ಜಿದಾನೆಯ ಪ್ರಮುಖ ಸಾಧನೆ.

7 – English teams have suffered a defeat in their last seven UEFA club competition finals (excl. Super Cup) against Spanish opposition (4 x Champions League Finals, 3 x UEFA Cup/Europa League finals). Deflated. #UCLfinal #RMALFC pic.twitter.com/6A3jxpPyUR

— OptaJoe (@OptaJoe) May 26, 2018

ಇನ್ನೊಂದೆಡೆ ಲಿವರ್ ಪೂಲ್ ನ ಮ್ಯಾನೇಜರ್ ಜರ್ಗನ್ ಕ್ಲೊಪ್ ಅವರು ಏಳು ಪ್ರಮುಖ ಫೈನಲ್ ಗಳಲ್ಲಿ 6 ಫೈನಲ್ ಕಳೆದುಕೊಂಡಿದ್ದಾರೆ. 2012ರಲ್ಲಿ ಬೊರುಸಿಯಾ ಡಾರ್ಟ್ ಮಂಡ್ ವಿರುದ್ಧ ಡಿಎಫ್ ಬಿ ಪೊಕಲ್ ಗೆದ್ದ ಬಳಿಕ ಮತ್ತೆ ಪ್ರಮುಖ ಟೂರ್ನಿ ಗೆದ್ದಿಲ್ಲ.

2016-17ರಲ್ಲಿ ಚಾಂಪಿಯನ್ಸ್ ಲೀಗ್ ಗೆದ್ದ ರಿಯಲ್ ಮ್ಯಾಡ್ರಿಡ್ XI, 2018ರಲ್ಲೂ ಆಡಿದ್ದು ಈ ಬಾರಿಯ ವಿಶೇಷ.

ಪಂದ್ಯದ ವರದಿ : ಪಂದ್ಯದ ಮೊದಲಾರ್ಧದಲ್ಲಿ ಬಿರುಸಿನ ಆಟ ಕಂಡು ಬಂದರೂ, ಉಭಯ ತಂಡಗಳು ಗೋಲು ಗಳಿಸುವಲ್ಲಿ ವಿಫಲವಾದವು. 30ನೇ ನಿಮಿಷದಲ್ಲಿ ಲಿವರ್ ಪೂಲ್ ನ ಸ್ಟಾರ್ ಆಟಗಾರ ಮೊಹಮ್ಮದ್ ಸಲಾ ಗಾಯಗೊಂಡು ನಿವೃತ್ತರಾಗಿದ್ದು, ತಂಡಕ್ಕೆ ಹಿನ್ನಡೆ ತಂದು ಕೊಟ್ಟಿತು.

ಪಂದ್ಯದ 50ನೇ ನಿಮಿಷದಲ್ಲಿ ಕರೀಂ ಬೆನ್ಜೆಮಾ ಗೋಲು ಗಳಿಸಿ ರಿಯಲ್ ಮ್ಯಾಡ್ರಿಡ್ ಗೆ ಮುನ್ನಡೆ ತಂದು ಕೊಟ್ಟರು. 54ನೇ ನಿಮಿಷದಲ್ಲಿ ಸಡಿಯೋ ಮಾನೆ ಗೋಲು ಬಾರಿಸಿ ಸಮಬಲ ಸಾಧಿಸಿದರು.

ಆದರೆ, ಗರೇತ್ ಬೇಲ್ 63 ಹಾಗೂ 82ನೇ ನಿಮಿಷದಲ್ಲಿ ಅದ್ಭುತ ಗೋಲು ಬಾರಿಸಿ, ರಿಯಲ್ ಮ್ಯಾಡ್ರಿಡ್ ಗೆ ಹ್ಯಾಟ್ರಿಕ್ ಚಾಂಪಿಯನ್ ಪಟ್ಟ ತಂದುಕೊಟ್ಟರು.