PKL 2022: ಬಲಿಷ್ಠ ಗುಜರಾತ್ ಜೈಂಟ್ಸ್ ವಿರುದ್ಧ ತೊಡೆ ತಟ್ಟಲು ಸಜ್ಜಾದ ಯು ಮುಂಬಾ

ಉತ್ತಮ ಫಾರ್ಮ್‌ನಲ್ಲಿದೆ ಗುಜರಾತ್ ಜೈಂಟ್ಸ್

ಗುಜರಾತ್ ಜೈಂಟ್ಸ್‌ನ ಈವರೆಗಿನ ಅತ್ಯುತ್ತಮ ಆಟಗಾರ ರೈಡರ್ ರಾಕೇಶ್, ಕೇವಲ 6 ಪಂದ್ಯಗಳಲ್ಲಿ 78 ರೇಡ್ ಪಾಯಿಂಟ್‌ಗಳನ್ನು ಗಳಿಸಿದ್ದಾರೆ. ಕಲೆದ ಎರಡು ಪಂದ್ಯಗಳಿಂದ 34 ರೇಡ್ ಪಾಯಿಂಟ್‌ಗಳನ್ನು ಪಡೆಯುವ ಮೂಲಕ ಗೆಲುವಿನಲ್ಲಿ ಮುಖ್ಯ ಪಾತ್ರ ವಹಿಸಿದರು. ಚಂದ್ರನ್ ರಂಜಿತ್ 35 ರೇಡ್ ಪಾಯಿಂಟ್‌ಗಳೊಂದಿಗೆ ತಂಡದ ಎರಡನೇ ಅತ್ಯುತ್ತಮ ರೈಡರ್ ಆಗಿದ್ದಾರೆ. ರಂಜಿತ್ ಅವರು ಇಲ್ಲಿಯವರೆಗೆ ಅಸ್ಥಿರ ಫಾರ್ಮ್ ಅನ್ನು ತೋರಿಸಿದ್ದಾರೆ. ಅವರು ತಮ್ಮ ಫಾರ್ಮ್ ಮರಳಿ ಪಡೆದರೆ, ದಾಳಿಯಲ್ಲಿ ರಾಕೇಶ್ ಕೆಲಸವನ್ನು ಹೆಚ್ಚು ಸುಲಭಗೊಳಿಸುತ್ತದೆ.

ಸೌರವ್ ಗುಲಿಯಾ 18 ಟ್ಯಾಕಲ್ ಪಾಯಿಂಟ್‌ಗಳೊಂದಿಗೆ ತಂಡದ ಪ್ರಮುಖ ಡಿಫೆಂಡರ್ ಆಗಿದ್ದರೆ, ಅರ್ಕಾಮ್ ಶೇಖ್ 12 ಟ್ಯಾಕಲ್ ಪಾಯಿಂಟ್‌ಗಳನ್ನು ಪಡೆದಿದ್ದಾರೆ. ಗುಮಾನ್ ಸಿಂಗ್‌ರಂತಹ ಬಲಿಷ್ಠ ರೈಡರ್ ಗಳನ್ನು ಹೊಂದಿರುವ ಯು ಮುಂಬಾ ಲೈನ್-ಅಪ್ ವಿರುದ್ಧ, ಡಿಫೆಂಡರ್‌ಗಳು ತಂಡವು ತಮ್ಮ ಮೂರನೇ ಜಯವನ್ನು ಗಳಿಸಲು ಅತ್ಯುತ್ತಮ ಪ್ರದರ್ಶನ ನೀಡಬೇಕಿದೆ.

ಪಾಕ್ ವಿರುದ್ಧ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ನೀಡಿದ ಆಟಗಾರನನ್ನು ಮುಂದಿನ ಪಂದ್ಯದಿಂದ ಹೊರಗಿಡಲು ಗವಾಸ್ಕರ್ ಸಲಹೆ

ಬುಲ್ಸ್ ವಿರುದ್ಧ ಸೋತ ಯು ಮುಂಬಾ

ಯು ಮುಂಬಾ ತನ್ನ ಹಿಂದಿನ ಸ್ಪರ್ಧೆಯಲ್ಲಿ ಬೆಂಗಳೂರು ಬುಲ್ಸ್ ವಿರುದ್ಧ 32-42 ರಿಂದ ಸೋತಿದ್ದು ಗೆಲುವಿನ ಹಾದಿಗೆ ಮರಳಲು ಪ್ರಯತ್ನಿಸುತ್ತಿದೆ. ಸುರೀಂದರ್ ಸಿಂಗ್ ಮತ್ತು ತಂಡ ಪ್ರಸ್ತುತ ಪಾಯಿಂಟ್ ಪಟ್ಟಿಯಲ್ಲಿ ಎಂಟನೇ ಸ್ಥಾನದಲ್ಲಿದೆ ಮತ್ತು ಮುಂಬರುವ ಪಂದ್ಯಗಳಲ್ಲಿ ತಮ್ಮ ಪ್ರದರ್ಶನವನ್ನು ಉತ್ತಮಪಡಿಸಲು ಪ್ರಯತ್ನಿಸುತ್ತಾರೆ.

ಗುಮಾನ್ ಸಿಂಗ್ ಪ್ರಸ್ತುತ 6 ಪಂದ್ಯಗಳಿಂದ 48 ರೇಡ್ ಪಾಯಿಂಟ್‌ಗಳನ್ನು ಪಡೆಯುವ ಮೂಲಕ ಉತ್ತಮ ರೈಡರ್ ಎನಿಸಿಕೊಂಡಿದ್ದಾರೆ, ರೇಡಿಂಗ್ ವಿಭಾಗವನ್ನು ಮುನ್ನಡೆಸುತ್ತಿದ್ದಾರೆ. ಜೈ ಭಗವಾನ್ 25 ಅಂಕ ಮತ್ತು ಆಶಿಶ್ 23 ರೇಡಿಂಗ್ ಪಾಯಿಂಟ್ ಪಡೆಯುವ ಮೂಲಕ ಉತ್ತಮ ಬೆಂಬಲ ನೀಡುತ್ತಿದ್ದಾರೆ.

ರಕ್ಷಣಾ ವಿಭಾಗದಲ್ಲಿ ಸುಧಾರಣೆಯಾಗಬೇಕು

ರಕ್ಷಣಾ ವಿಭಾಗದಲ್ಲಿ ನಾಯಕ ಸುರಿಂದರ್ ಸಿಂಗ್ 18 ಟ್ಯಾಕಲ್ ಪಾಯಿಂಟ್‌ಗಳೊಂದಿಗೆ ಮುನ್ನಡೆ ಸಾಧಿಸಿದ್ದು, ರಿಂಕು ಕೂಡ 12 ಟ್ಯಾಕಲ್ ಪಾಯಿಂಟ್‌ಗಳೊಂದಿಗೆ ಪ್ರಭಾವಿಯಾಗಿದ್ದಾರೆ. ಬೆಂಗಳೂರು ಬುಲ್ಸ್ ವಿರುದ್ಧದ ತಮ್ಮ ಕೊನೆಯ ಪಂದ್ಯದಲ್ಲಿ, ಉತ್ತಮ ಆಟ ಆಡಿತ್ತು. ಯು ಮುಂಬಾ ಮೊದಲಾರ್ಧದ ಅಂತ್ಯಕ್ಕೆ 24-11 ರಿಂದ ಮುನ್ನಡೆ ಸಾಧಿಸುವ ಮೂಲಕ ಉತ್ತಮ ಸ್ಥಿತಿಯಲ್ಲಿದ್ದರು, ಆದರೆ ದ್ವಿತೀಯಾರ್ಧದಲ್ಲಿ ಯು ಮುಂಬಾ ಕಳಪೆ ಪ್ರದರ್ಶನ ನೀಡಿತು, ದ್ವಿತೀಯಾರ್ಧದಲ್ಲಿ ಒಂದು ಪಾಯಿಂಟ್ ಅನ್ನು ಸಹ ಪಡೆಯಲಾಗಲಿಲ್ಲ.

ಗುಜರಾತ್ ಜೈಂಟ್ಸ್ ವಿರುದ್ಧದ ಪಂದ್ಯದಲ್ಲಿ ಯು ಮುಂಬಾ ತಮ್ಮ ತಪ್ಪುಗಳನ್ನು ಸರಿಪಡಿಸಿಕೊಳ್ಳಲು ಮತ್ತು ಪಾಯಿಂಟ್‌ಗಳ ಪಟ್ಟಿಯಲ್ಲಿ ಮೇಲೇರಲು ಗೆಲುವಿನ ಹಾದಿಗೆ ಮರಳಲು ನೋಡುತ್ತದೆ.