ಚೀನಾದ ಬೀಜಿಂಕ್ನಲ್ಲಿ ಮುಂದಿನ ತಿಂಗಳು ನಡೆಯಲಿರುವ ಚಳಿಗಾಲದ ಒಲಿಂಪಿಕ್ಸ್ನಲ್ಲಿ ಸಾರ್ವಜನಿಕವಾಗಿ ಟಿಕೆಟ್ ಮಾರಾಟವನ್ನು ನಿಷೇಧಿಸಿದ್ದು, ಅಂತರಾಷ್ಟ್ರೀಯ ಪ್ರೇಕ್ಷಕರು ಕೂಡ ಕ್ರೀಡಾ ಮಹಾಕೂಟದಲ್ಲಿ ಕಾಣಿಸುವುದಿಲ್ಲ.
ಕೋವಿಡ್-19 ಸಾಂಕ್ರಾಮಿಕ ರೋಗದ ಸಂಖ್ಯೆ ದಿನೇ ದಿನೇ ಏರುತ್ತಲೇ ಸಾಗಿದ್ದು, ನಿಯಮಗಳ ಅನ್ವಯ ಟಿಕೆಟ್ಗಳನ್ನ ಸಾರ್ವಜನಿಕವಾಗಿ ಮಾರಾಟ ಮಾಡುವುದನ್ನ ನಿಷೇಧಿಸಿದ್ದು, ಫೆಬ್ರವರಿ 4ರಿಂದ ನಡೆಯಲಿರುವ ಒಲಿಂಪಿಕ್ಸ್ಗೆ ಭಾರೀ ಹಿನ್ನಡೆಯಾಗಿದೆ.
ಕೊಹ್ಲಿ ರಾಜೀನಾಮೆ: 'ನಾಯಕತ್ವ ಯಾರ ಜನ್ಮಸಿದ್ದ ಹಕ್ಕು ಅಲ್ಲ' ಎಂದ ಗೌತಮ್ ಗಂಭೀರ್
ಸಾರ್ವಜನಿಕವಾಗಿ ಟಿಕೆಟ್ ಮಾರಾಟ ಮಾಡುವುದರ ಜೊತೆಗೆ ಯಾವುದೇ ವಿದೇಶಿ ಪ್ರೇಕ್ಷಕರು ಒಲಿಂಪಿಕ್ಸ್ ನೋಡಲು ಸಾಧ್ಯವಿಲ್ಲ. ಈಗಾಗಲೇ ಕೋವಿಡ್-19 ಕಾರಣದಿಂದಾಗಿ ಚೀನಾ ತನ್ನ ಗಡಿಯನ್ನ ಬಂದ್ ಮಾಡಿದ್ದು ಅಂತರಾಷ್ಟ್ರೀಯ ಪ್ರಯಾಣಿಕರಿಗೆ ನಿಷೇಧ ಹೇರಿದೆ ಎಂದು ಸಂಘಟಕರು ಹೇಳಿದ್ದಾರೆ.
ಕೋವಿಡ್-19 ಪರಿಸ್ಥಿತಿ ದಿನೇ ದಿನೇ ಹದಗೆಡುತ್ತಿದ್ದು, ಒಲಿಂಪಿಕ್ಸ್ನಲ್ಲಿ ಭಾಗವಹಿಸುವ ಸಿಬ್ಬಂದಿಗಳು ಮತ್ತು ಆಟಗಾರರ ಸುರಕ್ಷತೆ ದೃಷ್ಟಿಯಿಂದಾಗಿ ಈ ನಿಯಮವನ್ನ ಜಾರಿಗೆ ತರಲಾಗಿದೆ.
ಇನ್ನು ಈಗಾಗಲೇ ಆನ್ಲೈನ್ ಮೂಲಕ ಟಿಕೆಟ್ ಪಡೆದಿರುವ ದೇಶೀಯ ವೀಕ್ಷಕರು ಕಠಿಣ ಕೋವಿಡ್-19 ನಿಯಮಗಳನ್ನ ಪಾಲಿಸಬೇಕಾಗುತ್ತದೆ ಎಂದು ಒಲಿಂಪಿಕ್ಸ್ ಕಮಿಟಿ ತಿಳಿಸಿದೆ.
ಸ್ಥಳೀಯ ಕೋವಿಡ್-19 ಸೋಂಕನ್ನು ನಿಗ್ರಹಿಸುವಲ್ಲಿ ಚೀನಾ ಬಹುಮಟ್ಟಿಗೆ ಯಶಸ್ವಿಯಾಗಿದ್ದು, ಕೇಸ್ಗಳನ್ನ ನಿಯಂತ್ರಿಸುವಲ್ಲಿ ಸಫಲಗೊಂಡಿದೆ. ಒಲಿಂಪಿಕ್ಸ್ ಚೀನಾದ ರಾಜಧಾನಿಯಲ್ಲಿ ಸಂಪೂರ್ಣ ನಡೆಯಲಿದ್ದು, ಕ್ರೀಡಾಪಟುಗಳು ಮತ್ತು ಸಿಬ್ಬಂದಿ ವರ್ಗದವರನ್ನ ಬೇರೆ ಬೇರೆ ಮಾಡಲಿದೆ.
ಕಳೆದ ತಿಂಗಳಷ್ಟೇ ಉತ್ತರ ಅಮೇರಿಕಾದ ರಾಷ್ಟ್ರೀಯ ಹಾಕಿ ತಂಡವು ಕೋವಿಡ್-19 ಕಾರಣದಿಂದಾಗಿ, ಆಟಗಾರರ ಸುರಕ್ಷತೆಯ ದೃಷ್ಟಿಯಿಂದ ಒಲಿಂಪಿಕ್ಸ್ನಲ್ಲಿ ಭಾಗವಹಿಸುವುದಿಲ್ಲ ಎಂದು ಹೇಳಿದೆ.