ಟಿ20 ಅಂತರಾಷ್ಟ್ರೀಯ ಕ್ರಿಕೆಟ್ನಲ್ಲಿ 2ನೇ ಅತಿ ಹೆಚ್ಚು ಬ್ಯಾಟಿಂಗ್ ಸರಾಸರಿ
ಪ್ರಸ್ತುತ ಟಿ20 ಫಾರ್ಮೆಟ್ನಲ್ಲಿ ಅತಿ ಹೆಚ್ಚು ಬ್ಯಾಟಿಂಗ್ ಸರಾಸರಿ ಹೊಂದಿರುವ ಆಟಗಾರರ ಪಟ್ಟಿಯಲ್ಲಿ ವಿರಾಟ್ ಕೊಹ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ಮೂರಂಕಿ ಮುಟ್ಟುವ ಮೂಲಕ ಕೊಹ್ಲಿ ಬ್ಯಾಟಿಂಗ್ ಸರಾಸರಿ ಮತ್ತೆ ಏರತೊಡಗಿದೆ. ಅದ್ರಲ್ಲೂ ಅಜೇಯ 122 ರನ್ ಕಲೆಹಾಕಿದ ಕೊಹ್ಲಿ ಬ್ಯಾಟಿಂಗ್ ಗ್ರಾಫ್ ಮತ್ತೆ ಜಿಗಿತ ಸಾಧಿಸಿದೆ.
104 ಟಿ20 ಪಂದ್ಯಗಳಲ್ಲಿ ವಿರಾಟ್ 96 ಇನ್ನಿಂಗ್ಸ್ಗಳಲ್ಲಿ ಬ್ಯಾಟಿಂಗ್ ಮಾಡಿದ್ದು, 51.94ರ ಬ್ಯಾಟಿಂಗ್ ಸರಾಸರಿಯಲ್ಲಿ 3,584 ರನ್ ಕಲೆಹಾಕಿದ್ದಾರೆ. ಇವರ ಕೆರಿಯರ್ನಲ್ಲಿ 1 ಶತಕ ಮತ್ತು 32 ಅರ್ಧಶತಕ ದಾಖಲಿಸಿದ್ದಾರೆ. ಅತಿ ಹೆಚ್ಚು ಅರ್ಧಶತಕ ದಾಖಲಿಸಿದ ಬ್ಯಾಟರ್ಗಳ ಪಟ್ಟಿಯಲ್ಲಿ ರೋಹಿತ್ ಶರ್ಮಾ ಜೊತೆಗೆ ಜಂಟಿಯಾಗಿ ಅಗ್ರಸ್ಥಾನದಲ್ಲಿದ್ದಾರೆ.
ವಿರಾಟ್ ಕೊಹ್ಲಿ 71ನೇ ಅಂತರಾಷ್ಟ್ರೀಯ ಶತಕ: 6 ವಿಶೇಷ ದಾಖಲೆಗಳು
ಅತಿ ಹೆಚ್ಚು ಟಿ20 ಬ್ಯಾಟಿಂಗ್ ಸರಾಸರಿ ಹೊಂದಿದ್ದಾನೆ ಪಾಕಿಸ್ತಾನದ ಪ್ಲೇಯರ್
ಹೌದು ಕಿಂಗ್ ಕೊಹ್ಲಿಗಿಂತ ಕೇವಲ ಒಂದು ಹೆಜ್ಜೆ ಮುಂದಿರುವುದು ಪಾಕಿಸ್ತಾನದ ವಿಕೆಟ್ ಕೀಪರ್ ಬ್ಯಾಟರ್ ಮೊಹಮ್ಮದ್ ರಿಜ್ವಾನ್. ಟಿ20 ಫಾರ್ಮೆಟ್ನಲ್ಲಿ ಅತ್ಯದ್ಭುತ ಫಾರ್ಮ್ನಲ್ಲಿರುವ ರಿಜ್ವಾನ್ ಪಾಕ್ ತಂಡದ ಪ್ರಮುಖ ಆಟಗಾರರಾಗಿದ್ದಾರೆ.
ಇದುವರೆಗೆ ಆಡಿರುವ 60 ಟಿ20 ಪಂದ್ಯಗಳು ಮತ್ತು 49 ಇನ್ನಿಂಗ್ಸ್ಗಳಲ್ಲಿ ರಿಜ್ವಾನ್ 52.05ರ ಬ್ಯಾಟಿಂಗ್ ಸರಾಸರಿಯಲ್ಲಿ 1,874 ರನ್ ಕಲೆಹಾಕಿದ್ದಾರೆ. ಜೊತೆಗೆ 1 ಶತಕ ಮತ್ತು 15 ಅರ್ಧಶತಕಗಳು ದಾಖಲಾಗಿವೆ. ಈತ ವೈಯಕ್ತಿಕ ಗರಿಷ್ಠ ಸ್ಕೋರ್ ಅಜೇಯ 104 ರನ್ಗಳಾಗಿವೆ.
ಬಹುತೇಕ 52ರ ಬ್ಯಾಟಿಂಗ್ ಸರಾಸರಿಯನ್ನ ಸಮೀಪಿಸಿರುವ ವಿರಾಟ್ ಕೊಹ್ಲಿ ಮುಂದಿನ ಟಿ20 ಸರಣಿಯಲ್ಲಿ, ಏಷ್ಯಾಕಪ್ ರೀತಿಯಲ್ಲಿ ಅಮೋಘ ಮುಂದುವರಿಸಿದ್ರೆ, ರಿಜ್ವಾನ್ರನ್ನ ಹಿಂದಿಕ್ಕಿ ನಂಬರ್ ಒನ್ ಬ್ಯಾಟಿಂಗ್ ಸರಾಸರಿ ಹೊಂದುವುದರಲ್ಲಿ ಅನುಮಾನವಿಲ್ಲ.
ಕೊಹ್ಲಿ ಜಾಗದಲ್ಲಿ ಬೇರೆ ಯಾರೇ ಇದ್ರೂ, ಶತಕ ಸಿಡಿಸದೇ 3 ವರ್ಷ ತಂಡದಲ್ಲಿ ಉಳಿಯುತ್ತಿರಲಿಲ್ಲ: ಗೌತಮ್ ಗಂಭೀರ್
T20Iನಲ್ಲಿ ಅತಿ ಹೆಚ್ಚು ಬ್ಯಾಟಿಂಗ್ ಸರಾಸರಿ ಹೊಂದಿರುವ ಟಾಪ್ 10 ಪ್ಲೇಯರ್ಸ್
ಚುಟುಕು ಕ್ರಿಕೆಟ್ ಫಾರ್ಮೆಟ್ನಲ್ಲಿ ಅತಿ ಹೆಚ್ಚು ಬ್ಯಾಟಿಂಗ್ ಸರಾಸರಿ ಹೊಂದಿರುವ ಟಾಪ್ 10 ಪ್ಲೇಯರ್ಸ್ ಪಟ್ಟಿ ಈ ಕೆಳಗಿದೆ.
1. ಮೊಹಮ್ಮದ್ ರಿಜ್ವಾನ್ (ಪಾಕಿಸ್ತಾನ): 52.05
2. ವಿರಾಟ್ ಕೊಹ್ಲಿ (ಭಾರತ): 51.94
3. ಡಿವೊನ್ ಕಾನ್ವೆ (ನ್ಯೂಜಿಲೆಂಡ್): 47.20
4. ಮನೀಶ್ ಪಾಂಡೆ (ಭಾರತ): 44.31
5. ನವನೀತ್ ಧಲಿವಾಲ್ (ಕೆನಡಾ): 44.00
6. ಸಬಾವೂನ್ ಡೇವಿಜಿ (ಜೆಕ್ ರಿಪಬ್ಲಿಕ್): 43.72
7. ಬಾಬರ್ ಅಜಮ್ (ಪಾಕಿಸ್ತಾನ): 43.15
8. ಏಡನ್ ಮಕ್ರಾಮ್ (ದಕ್ಷಿಣ ಆಫ್ರಿಕಾ): 42.47
9. ರ್ಯಾನ್ ಟೆನ್ ಡಸೆಚ್ (ನೆದರ್ಲೆಂಡ್ಸ್): 41.00
10. ಕೆ.ಎಲ್ ರಾಹುಲ್ (ಭಾರತ): 39.26